- తెలంగాణ విద్యార్థి జేఏసీ, ఎస్సీ, ఎస్టీ , బీసీ సంఘాలు
బషీర్బాగ్, వెలుగు: ఏప్రిల్13న జరిగే మైనార్టీ వక్ఫ్ బచావో మార్చ్కు తెలంగాణ విద్యార్థి జేఏసీ, ఎస్సీ, ఎస్టీ , బీసీ సంఘాలు మద్దతు ప్రకటించాయి. ట్యాంక్ బండ్ అంబేద్కర్ విగ్రహం వద్ద జరిగే ధర్నాలో బహుజన సంఘాలు పాల్గొంటాయని జేఏసీ నాయకులు తెలిపారు. బషీర్ బాగ్ ప్రెస్ క్లబ్లో శుక్రవారం వారు మాట్లాడారు. బీజేపీ ప్రభుత్వం ముస్లిం భూములను లాక్కునే కుట్రలు చేస్తుందని ఆరోపించారు. ఈ బిల్లును వెనక్కి తీసుకోవాలని, లేనిపక్షంలో మరో పోరాటానికి సిద్ధమవుతామని హెచ్చరించారు.
