హైదరాబాద్, వెలుగు: దేశంలోని మరిన్ని ఇన్ఫ్రా ప్రాజెక్టులకు ఫండింగ్ ఇవ్వడం ద్వారా ప్రభుత్వ విజన్కు సపోర్ట్గా నిలవాలనే టార్గెట్తో పనిచేస్తున్నట్లు ఇండియా ఇన్ఫ్రాస్ట్రక్చర్ ఫైనాన్స్ కంపెనీ లిమిటెడ్ (ఐఐఎఫ్సీఎల్) మేనేజింగ్ డైరెక్టర్ పీ ఆర్ జైశంకర్ చెప్పారు. తెలంగాణ రాష్ట్రంలోని జీఎంఆర్ హైదరాబాద్–విజయవాడ ఎక్స్ప్రెస్వేస్, హెచ్కేఆర్ రోడ్వేస్, జీఎంఆర్ హైదరాబాద్ ఇంటర్నేషనల్ ఎయిర్పోర్ట్, ఎల్ అండ్ టీ మెట్రో రైల్ వంటి భారీ ప్రాజెక్టులకు ఐఐఎఫ్సీఎల్ రూ. 40,017 కోట్ల ఫండింగ్ ఇచ్చిందని చెబుతూ, మరిన్ని ప్రాజెక్టులకు నిధులు అందించడానికి రెడీగా ఉన్నామని పేర్కొన్నారు.
హైదరాబాద్లోని ఇన్ఫ్రాస్ట్రక్చర్, ఫైనాన్స్ సెక్టార్లలోని స్టేక్హోల్డర్లతో ఐఐఎఫ్సీఎల్ సీనియర్ ఆఫీసర్లు గురువారం నాడు సమావేశమయ్యారు. స్టేక్హోల్డర్లు ఇచ్చిన సూచనలను, సలహాలను ఆధారంగా చేసుకుని భవిష్యత్లో మరింత మెరుగైన సేవలు అందించాలనేదే లక్ష్యమని జైశంకర్ వెల్లడించారు. ఇన్ఫ్రాస్ట్రక్చర్లోని అన్ని సబ్ సెక్టార్లకు తగిన ప్రొడక్టులతో ఫండింగ్ అందిస్తున్న సంస్థ తమది ఒక్కటేనని వివరించారు. మార్చి 2023 నాటికి ఐఐఎఫ్సీఎల్ శాంక్షన్లు రూ. 2,13,378 కోట్లకు, డిస్బర్స్మెంట్లు రూ. 1,05,647 కోట్లకు చేరాయని చెప్పారు.
