- బీసీ డెడికేటెడ్ కమిషన్ చైర్మన్ బూసాని వెంకటేశ్వరరావు
- సంక్షేమ భవన్లో చైర్మన్గా బాధ్యతల స్వీకరణ
హైదరాబాద్, వెలుగు: హైదరాబాద్ మసాబ్ ట్యాంక్లోని సంక్షేమ భవన్లో బీసీ డెడికేటెడ్ కమిషన్ చైర్మన్గా బూసాని వెంకటేశ్వరరావు, మెంబర్గా సైదులు బుధవారం బాధ్యతలు స్వీకరించారు. లోకల్ బాడీ ఎన్నికల్లో బీసీ రిజర్వేషన్ల పెంపు అంశంపై ప్రభుత్వం నిర్దేశించిన గడువులోగా రిపోర్ట్ అందజేస్తామని వెంకటేశ్వరరావు తెలిపారు. ఈ అంశంపై కేంద్ర, రాష్ట్ర ప్రభుత్వ శాఖలు, బీసీ కమిషన్, బీసీ సంఘాల నుంచి అభిప్రాయాలు, సలహాలు, సూచనలు తీసుకుంటామని చెప్పారు.
బీసీ కమిషన్తో భేటీ
బీసీ కమిషన్ చైర్మన్ నిరంజన్, మెంబర్స్ బాలలక్ష్మి, జై ప్రకాశ్, సురేందర్ ను డెడికేటెడ్ కమిషన్ చైర్మన్ బూసాని వెంకటేశ్వరరావు, మెంబర్ సైదులు కమిషన్ కార్యాలయంలో కలిశారు. ఈ సందర్భంగా కుల గణన, ఇటీవల జిల్లాల్లో కమిషన్ నిర్వహించిన పబ్లిక్ హియరింగ్ వంటి అంశాలపై చర్చించారు.
డీజీపీకి కమిషన్ లేఖ
నిజామాబాద్‌ జిల్లాలో బీసీ కులాల వారిని గ్రామాభివృద్ధి కమిటీలు సామాజికంగా బహిష్కరించడాన్ని తీవ్రంగా పరిగణించి, ఆ కమిటీలపై చర్యలు తీసుకోవాలని కోరుతూ డీజీపీకి లేఖ రాయాలని బీసీ కమిషన్ నిర్ణయించింది. ఈ నెల 18 నుంచి 26 వరకు వెనుకబడిన తరగతుల కులాల స్థితిగతులపై ఉమ్మడి 5 జిల్లాల్లో (నల్గొండ, ఖమ్మం, రంగారెడ్డి, మహబూబ్‌‌‌‌నగర్‌, హైదరాబాద్) బహిరంగ విచారణ జరపాలని బీసీ కమిషన్ నిర్ణయించింది. ఈ సమావేశంలో అక్టోబర్‌ 28 నుంచి నవంబర్‌ 2 వరకు ఆదిలాబాద్‌, నిజామాబాద్‌, సంగారెడ్డి, కరీంనగర్‌, వరంగల్‌‌‌‌లో నిర్వహించిన బహిరంగ విచారణ కార్యక్రమాలను కమిషన్ సమీక్షించింది.
