- 2019లోనే 7 వేల మంది జంప్
- ఇన్వెస్ట్మెంట్లతో వీసా సంపాదిస్తున్నరు
న్యూఢిల్లీ: ఇంటర్నేషనల్ ట్రావెల్ ప్లాన్స్కు కరోనా ఫుల్స్టాప్ పెట్టిన మాట నిజమే. కానీ, చాలా మంది హై నెట్–వర్త్ ఇండివిడ్యువల్స్ (హెచ్ఎన్ఐ) మాత్రం బిజినెస్ బేస్ల ఏర్పాటుకోసం ఫారిన్ కంట్రీలను వెతుక్కోవడాన్ని ఆపలేదు. ఆయా దేశాలలో లాంగ్–టర్మ్ రెసిడెంట్స్గా లేదా సిటిజెన్స్గా మారాలని మన హెచ్ఎన్ఐలు ప్రయత్నిస్తున్నారు. ‘రెసిడెన్స్ బై ఇన్వెస్ట్మెంట్’ లేదా ‘సిటిజెన్షిప్ బై ఇన్వెస్ట్మెంట్’ ప్రోగ్రామ్స్ కోసం 2020లో అప్లయ్ చేసుకున్న లిస్టులో ఇండియా హెచ్ఎన్ఐలే ఎక్కువ మంది ఉన్నారు! 2019తో పోలిస్తే ఈ ఎంక్వైరీలు బాగా పెరిగాయని ఫెసిలిటేటింగ్ ఏజన్సీ ఒకటి చెప్పింది. డ్యూయల్ సిటిజెన్షిప్ను ఇండియా అనుమతించకపోవడంతో, సిటిజెన్షిప్ బై ఇన్వెస్ట్మెంట్ ఆప్షన్ తీసుకోవడమంటే ఇండియా పాస్పోర్టును వదులుకోవడమే అవుతుంది. కోవిడ్, పొలిటికల్ సిట్యుయేషన్స్ కారణంగా 2019లో ఆరో ప్లేస్లో ఉన్న యూఎస్ ఈ జాబితాలో 2020లో రెండో ప్లేస్కు చేరింది.
వేలాది మంది వెళ్లిపోయారు..
విదేశాలలో బేస్ కోసం ఎంక్వైరీలు చేసిన లిస్టులో ఇండియా, అమెరికా తర్వాత ప్లేస్లలో పాకిస్తాన్, సౌత్ ఆఫ్రికా, నైజీరియాలు ఉన్నాయి. రెసిడెన్స్, సిటిజెన్షిప్ ప్లానింగ్ రంగంలోని హెన్లీ అండ్ పార్ట్నర్స్ ఈ వివరాలు వెల్లడించింది. ఫారిన్ కంట్రీస్కు వెళ్తున్న మిలినియర్ల విషయంలో ఇండియా రెండో ప్లేస్ లో ఉందని ‘గ్లోబల్ వెల్త్ మైగ్రేషన్ రివ్యూ’ పేరిట న్యూ వరల్డ్ వెల్త్ విడుదల చేసిన రిపోర్టు పేర్కొంది. 2019లో ఏడు వేల మంది మంది ఇండియా హెచ్ఎన్ఐలు ఇతర దేశాలకు వెళ్లినట్లు తెలిపింది. మొత్తం హెచ్ఎన్ఐలలో వీరు 2 శాతం. ఫారిన్ దేశాలకు వెళ్లాలనే ఆసక్తి ఇండియాలోని మిలినియర్లలో తగ్గడం లేదని దీనిని బట్టి తెలుస్తోంది. 2019తో పోలిస్తే 2020లో ఎంక్వయిరీలు ఏకంగా 62.6 శాతం పెరిగాయి. 2019లో 1500 ఎంక్వయిరీలు వచ్చాయని హెన్లీ అండ్ పార్ట్నర్స్ సీనియర్ ఎగ్జిక్యూటివ్ నిర్భయ్ హండా అన్నారు. కెనడా రెసిడెన్సీ, పోర్చుగల్ రెసిడెన్సీ, ఆస్ట్రియా రెసిడెన్సీ, ఆస్ట్రియా సిటిజెన్షిప్ ప్రోగ్రామ్, మాల్టా సిటిజెన్షిప్, టర్కీ సిటిజెన్షిప్ ప్రోగ్రామ్ల కోసం ఎక్కువ మంది ఇండియన్స్ మొగ్గు చూపుతున్నట్లు హెన్లీ అండ్ పార్ట్నర్స్ పేర్కొంది. హిస్టారికల్గా చూస్తే యూఎస్, కెనడా, యూకే, ఆస్ట్రేలియా దేశాలు ఇండియన్స్కు ఫేవరెట్లు. విదేశీయులను ఆకట్టుకునే ప్రోగ్రామ్స్ విషయంలో కెనడా, ఆస్ట్రేలియా దేశాలు పోటీ పడుతున్నాయి. కాకపోతే, ఈ దేశాలలో ప్రాసెసింగ్ 
టైమ్ ఎక్కువైంది. దానికి తోడు, గతంలో కంటే ఇన్వెస్ట్మెంట్స్ సైజ్ కూడా పెరిగిందని, ఫలితంగా ఇక్కడి హెచ్ఎన్ఐలు తమ చాయిస్లను అనుగుణంగా మార్చుకుంటున్నారని నిర్భయ్ హందా చెప్పారు.
ఇన్వెస్ట్మెంట్ వైపే మొగ్గు
ఇండియాలోని సంపన్నుల ఆలోచనలు, ఎన్ఆర్ఐల ఆలోచనలు వేరు వేరుగా ఉంటున్నాయి. ఎన్ఆర్ఐలు ఎక్కువగా సిటిజెన్షిప్ బై ఇన్వెస్ట్మెంట్ ప్రోగ్రామ్స్ను ఇష్టపడుతున్నారు. మరోవైపు ఫారిన్లో వ్యాపారాలున్న ఇక్కడి మిలియనీర్లు మాత్రం యూరప్దేశాలలో రెసిడెన్సీ బై ఇన్వెస్ట్మెంట్ ఆప్షన్ను ఎంపిక చేసుకుంటున్నారు. పోర్చుగల్ గోల్డెన్ రెసిడెన్స్ పెర్మిట్ ప్రోగ్రామ్ కింద కనీసం 3.5 లక్షల యూరోలను ఆ దేశంలోని రియల్ ఎస్టేట్లో పెట్టాల్సి ఉంటుంది. యూరప్లో ఇదే పాపులర్ ప్రోగ్రామ్. ఎన్ఆర్ఐలైతే యూరోపియన్ సిటిజెన్షిప్ ప్రోగ్రామ్స్ వైపు ఆకర్షితులవుతున్నారు. ఒక దేశంలో ఉంటూ చాలా దేశాలకు ఈజీగా వెళ్లే అవకాశాలవైపు సంపన్నులు మొగ్గుచూపుతారు. ఆస్ట్రియా పాస్పోర్టు ఉంటే 187 దేశాలకు వీసా లేకుండానే వెళ్లొచ్చని హందా తెలిపారు. యూరప్లోని ఏ దేశంలోనైనా సెటిల్ అయ్యే అవకాశాన్ని మాల్టా, ఆస్ట్రియా సిటిజెన్షిప్ ప్రోగ్రామ్స్ కల్పిస్తున్నాయని పేర్కొన్నారు. ఇంటర్నేషనల్ ఫైనాన్స్ సెంటర్లయిన దుబాయ్, హాంకాంగ్, సింగపూర్లలో ఎక్కువగా ప్రొఫెషనల్ ఎన్ఆర్ఐలు ఉంటున్నారు.
ఇవి కూడా చదవండి
ఇంటర్నేషనల్ ఇన్వెస్ట్‌మెంట్స్‌కు మార్కెట్ అనుకూలం
రూ. 431 కోట్లు కట్టండి : బార్క్కు టైమ్స్ గ్రూప్ లీగల్ నోటీసు
టెస్లా రాకతో రూపురేఖలు మారిపోనున్న.. ఎలక్ట్రిక్ వాహనాల మార్కెట్
