వారఫలాలు ( ఫిబ్రవరి 16 నుంచి 22 వరకు) : మేషరాశి వారికి ఈవారం అనుకున్న పనులు అనుకున్నట్టు పూర్తవుతాయి. మిథునరాశికి చెందిన వ్యాపారస్తులకు సామాన్య లాభాలుంటాయి. రియల్ఎస్టేట్ రంగం వారు ఆచితూచి నిర్ణయాలు తీసుకోవాలి. సింహరాశి వారు సమాజంలో కీర్తి గౌరవం పెరుగుతుంది. తులారాశి ఉద్యోగస్తుల విషయంలో కీలక మార్పులు చోటు చేసుకునే అవకాశాలున్నాయి. జ్యోతిష్య నిపుణులు తెలిపిన వివరాల ప్రకారం.. మేషరాశి నుంచి .. మీనరాశి వరకు ఈ వారం ( ఫిబ్రవరి 16 నుంచి 22 వరకు) రాశి ఫలాలలను తెలుసుకుందాం. . .
మేషరాశి: ఈ వారం ( ఫిబ్రవరి 16 నుంచి 22 వరకు) కొత్త కార్యక్రమాలకు శ్రీకారం చుట్టే అవకాశం ఉంది. ఆర్థిక విషయాలు అనుకూలంగా ఉంటాయి. కొన్ని ముఖ్యమైన వ్యవహారాలు, పనులను సమర్థవంతంగా...సంతృప్తికరంగా పూర్తి చేస్తారు. వ్యాపార రంగంలో మంచి లాభాలు పొందుతారు. ఉద్యోగ, వివాహ ప్రయత్నాలు సఫలం అవుతాయి. ఆస్తికి సంబంధించిన వ్యవహారాల్లో సరైన నిర్ణయాలు తీసుకోవడం, సమయస్ఫూర్తితో వ్యవహరించడం జరుగుతుంది. వృత్తి.. ఉద్యోగాలలో అధికారులతో సామరస్య వాతావరణం నెలకొంటుంది. వారం చివరిలో వారాంతంలో వాహనం నడిపేటప్పుడు జాగ్రత్త వహించాలని పండితులు సూచిస్తున్నారు.
వృషభ రాశి: ఈ రాశి వారికి గతంలో ఆగిపోయిన కార్యక్రమాలు కొంతవరకూ పుంజుకుంటాయి. నూతన వ్యక్తులతో పరిచయం ఏర్పడుతుంది. ఆస్తి వ్యవహారాలలో కీలక ఒప్పందాలు చేసుకుంటారు. వ్యాపారులకు లాభాలు అందుతాయి. వృత్తి, ఉద్యోగాల్లో ఉత్సాహకర వాతావరణం నెలకొంటుంది. అధికారులకు మీ మీద నమ్మకం పెరుగుతుంది. కొత్త వస్తువులు కొనుగోలు చేసే అవకాశం ఉంది. కీలక నిర్ణయాల్లో జీవిత భాగస్వామిని సంప్రదించండి. వృథా ఖర్చులుంటాయి.
మిథునరాశి:ఈ వారం ( ఫిబ్రవరి 16 నుంచి 22 వరకు) మిథున రాశి వారు కుటుంబసభ్యులతో ఆనందదాయకంగా గడుపుతారు.వ్యాపారులకు తగినంత లాభాలు. ఉద్యోగులు క్లిష్టసమస్యలు తీరి ఉపశమనం పొందుతారు. నిరుద్యోగులు గుడ్ న్యూస్ వింటారు. వ్యాపారస్తులకు సామాన్య లాభాలుంటాయి. అనుకోకుండా ప్రయాణాలు చేయాల్సి రావడంతో డబ్బు అధికంగా ఖర్చవుతుంది. రియల్ఎస్టేట్ రంగం వారు ఆచితూచి నిర్ణయాలు తీసుకోవాలి. ఉద్యోగస్తులకు ఇబ్బందులు తొలగి పరిస్థితి అనుకూలతలు బాగా పెరుగుతాయి. ముఖ్యమైన వ్యవహారాలు విజయవంతంగా పూర్తవుతాయి. ప్రేమ, పెళ్లి ప్రయత్నాలు ఫలిస్తాయి.
కర్కాటకం: ఈ రాశి వారు ఈ వారం ప్రముఖుల నుంచి ఆహ్వానాలు అందుకుంటారు. ఆస్తి విషయాలలో అగ్రిమెంట్లు చేసు కుంటారు. ఆర్థిక పరిస్థితి మరింత ఆశాజనకంగా ఉంటుదని జ్యోతిష్య పండితులు సూచిస్తున్నారు. పెళ్లి వివాహయత్నాలు కలసివస్తాయి. వ్యాపారులకు లాభాలు అందుతాయి. ఉద్యోగులకు మిశ్రమ ఫలితాలుంటాయి. ఆఫీసులో పనిభారం..ఒత్తిడి పెరిగే అవకాశం ఉంది. నిరుద్యోగులు ఆశించిన ఉద్యోగం సంపాదించుకుంటారు. పెళ్లి ప్రయత్నాల్లో కొద్దిపాటి ఇబ్బందులుండే అవకాశముంది.ఆరోగ్యం విషయంలో జాగ్రత్తలు పాటించాలని పండితులు సూచిస్తున్నారు.
సింహరాశి: ఈ రాశివారు ఈ వారం కొత్తగా ఇంటి నిర్మాణం చేపట్టే అవకాశం ఉంది. సమాజంలో గౌరవం.. కీర్తి .. ప్రతిష్ఠలు పెరుగుతాయి. వ్యాపారస్తులకు అన్ని విధాలా అనుకూలంగా ఉంటుంది. ఉద్యోగులకు ... అధికారుల నుంచి ప్రశంసలు లభిస్తాయి. బ్యాంకు లావాదేవీల విషయంలో అప్రమత్తంగా ఉండండి. నిరుద్యోగులకు ఆశించిన జాబ్ వస్తుంది. ప్రేమ.. పెళ్లి ప్రయత్నాలు అనుకూలంగా ఉంటాయి. షేర్ మార్కెట్ లో పెట్టుబడులు పెట్టేవారు ఆలోచించి నిర్ణయం తీసుకోవాలని పండితులు సూచిస్తున్నారు.
కన్యా రాశి: ఈ వారం ( ఫిబ్రవరి 16 నుంచి 22 వరకు) ఉత్సాహంతో .. చేపట్టిన పనులను పూర్తి చేస్తారు. సోదరుల వ్యవహారాలు.. ఆస్తి వివాదాలు కొలిక్కి వస్తాయి. వ్యాపారులకు లావాదేవీలు ఆశాజనకంగా ఉంటాయి. ఉద్యోగులకు ప్రమోషన్ తో పాటు వేతనం పెరిగే అవకాశం ఉంది. జాబ్ హోల్డర్స్ కు గతంలో ఉన్న సమస్యలనుంచి విముక్తి కలుగుతుంది. ఆర్థిక విషయాల్లో ఎవరికి ఎలాంటి హామీ ఇవ్వవద్దని పండితులు సూచిస్తున్నారు.
తులారాశి: ఈ రాశి వారికి ( ఫిబ్రవరి 16 నుంచి 22 వరకు) ఆర్థిక విషయా లలో పురోగతి ఉంటుంది.కొన్ని కొత్త కార్యక్రమాలు చేపట్టడం.. ఉద్యోగస్తులకు అనుకూలంగా మార్పులు చోటు చేసుకుంటాయి. బంధువులతో వివాదాలు ఏర్పడే అవకాశం ఉంది నిరుద్యోగులకు విదేశీ అవకాశాలు కూడా అందే అవకాశం ఉంది. కుటుంబసమేతంగా విహార యాత్రకు ప్లాన్ చేస్తారు. ఆరోగ్యం బాగానే ఉంటుంది. ప్రేమ.. పెళ్లి ప్రయత్నాలను వాయిదా వేసుకోవడం మంచిదనిపండితులు సూచిస్తున్నారు.
వృశ్చికరాశి: ఈ వారం వృశ్చిక రాశి వారు తీసుకునే నిర్ణయాలు లైఫ్ టర్నింగ్ పాయింట్ అవుతాయి. చేపట్టిన పనుల్లో మొదట్లో కొద్దిగా ఆటంకాలు ఎదురవుతాయి. ఇతరులతో మాట్లాడేటప్పుడు ఆచితూచి నిర్ణయం తీసుకోండి. కొత్త వస్తువులు కొనుగోలు చేసే అవకాశం ఉంది. విందు.. వినోద కార్యక్రమాలకు హాజరవుతారు.వృత్తి, వ్యాపారాలలో కొద్దిగా శ్రమ పెరిగినప్పటికీ ఆశించిన ఫలితముంటుంది. ఆర్థిక వ్యవహారాలలో ఆలోచించి అడుగు వేయాలి. అదనపు ఆదాయ ప్రయత్నాలు కొద్దిగా కలసి వస్తాయి.
ధనుస్సు రాశి: ఈ రాశి వారికి ( ఫిబ్రవరి 16 నుంచి 22 వరకు) ఆలోచనలు స్థిరంగా ఉండవు. వ్యాపారులకు కొద్దిపాటి లాభాలు ఉంటాయి.ఉద్యోగులు పని ఒత్తిడులతో ఉక్కిరిబిక్కిరి అవుతారు. పూర్వీకుల ఆస్తి వివాదాలు పరిష్కారం అవుతాయి. ఆర్థికపరంగా కొన్ని ఇబ్బందులు ఎదుర్కొనే అవకాశం ఉంది. ధనస్సు రాశి వారు ఈ వారం ఏ పని తలపెట్టినా పనులు నిదానంగా పూర్తి అవుతాయి. . కొత్త స్నేహాలు లాభదాయకంగా వుంటాయి. కోర్టు వ్యవహారాలను నిర్లక్ష్యం చేయకండి. ప్రేమ... పెళ్లి విషయాల వ్యవహారాను వాయిదా వేసుకోండి. అనవసర విషయాల్లో జోక్యం వద్దని పండితులు సూచిస్తున్నారు.
మకరరాశి: ఈ వారం ఈ రాశి వారికి ప్రేమ వ్యవహారాలు ఉల్లాసంగా..ఉత్సాహంగా సాగిపోతాయి. ఏ పని చేపట్టినా పనులను విజయవంతంగా పూర్తి చేస్తారు. ఉద్యోగంలో మీ పనితీరుకు అధికారుల నుంచి ప్రశంసలు లభిస్తాయి. వృత్తి, వ్యాపారాల్లో ఎలాంటి ఇబ్బందులు లేకుండా సజావుగా సాగిపోతాయి. .. బంధువులు.. స్నేహితులతో వివాదాలు తొలగిపోయి సఖ్యత పెరుగుతుంది. నిరుద్యోగు లకు ఆశించిన జాబ్ లభిస్తుంది. పెళ్లి ప్రయత్నాల్లో ఉన్న వారికి అనుకోకుండా ఒక సంపన్న కుటుంబంతో పెళ్లి కుదిరే అవకాశం ఉందని పండితులు చెబుతున్నారు.
కుంభరాశి:ఈ రాశి వారికి అన్ని విధాలా అనుకూలంగా ఉంటుంది. ప్రతి పని విషయంలో కూడా ఆందోళన చెందుతారు. ఓర్పు ..సహనంతో వ్యవహరించి ఓ నిర్ణయం తీసుకోండి. అంతా మంచే జరుగుతుంది. వ్యాపారస్తులకు లాభసాటిగా ఉంటుంది. ఉద్యోగస్తులకు ఆఫీసులో అనుకూల వాతావరణం ఉంటుంది. మీ నుంచి సహాయాలు పొందినవారు ముఖం చాటేస్తారు. స్థిరాస్థి వ్యవహారాలు పరిష్కారం అవుతాయి. నిరుద్యోగులకు దూర ప్రాంతంలో ఉద్యోగం లభించే అవకాశం ఉంది.
మీనరాశి: ఈ రాశి వారికి ( ఫిబ్రవరి 16 నుంచి 22 వరకు) కొన్ని విచిత్రమైన సంఘటనలు ఎదురవుతాయి.
ఉద్యోగ ప్రయత్నాలు సానుకూల మవుతాయి. వ్యాపారులకు అనుకున్న లాభాలు దక్కుతాయి. వృత్తి జీవితంలో కార్యకలాపాలు బాగా పెరుగుతాయి. ఆదాయ పరంగా ఎలాంటి ఇబ్బందులు ఉండవు. ఆరోగ్యం విషయంలో శ్రద్ధ తీసుకోవాల్సిన అవసరం ఉంది. సమాజంలో పలుకుబడి పెరుగుతుంది. కుటుంబం మీద బాగా ఖర్చు చేస్తారు. ఉద్యోగం మార డానికి ఇది సమయం కాదు. ఉద్యోగ, పెళ్లి ప్రయత్నాలకు ఆశించిన సానుకూల స్పందన లభి స్తుంది.
