భద్రాద్రికొత్తగూడెం, వెలుగు : కోల్ ఇండియా స్థాయి పోటీల్లో సింగరేణి క్రీడాకారులు ప్రతిభ చూపాలని కంపెనీ జీఎం వెల్ఫేర్ పి. సామ్యూల్ సుధాకర్ కోరారు. కొత్తగూడెంలోని సీఈఆర్ క్లబ్లో వర్క్ పీపుల్ అండ్ గేమ్స్ ఆధ్వర్యంలో పవర్, వెయిట్ లిఫ్టింగ్, బాడీ బిల్డింగ్ పోటీలను ఆయన మంగళవారం ప్రారంభించారు. ఈ సందర్భంగా మాట్లాడుతూ కంపెనీ స్థాయిలో జరుగుతున్న ఈ పోటీల్లో క్రీడాకారులు తమ ప్రతిభను చూపి కోల్ ఇండియా పోటీలకు సెలెక్ట్ కావాలని సూచించారు. 11 ఏరియాల నుంచి 40 మంది మహిళా క్రీడాకారులు ఈ పోటీల్లో పాల్గొంటున్నట్లు తెలిపారు. ఈ ప్రోగ్రాంలో జీఎం సెక్యూరిటీ కె. శ్రీనివాస్, ఏఐటీయూసీ, ఐఎన్టీయూసీ నేతలు ఎస్వి. రమణమూర్తి, పీతాంబరం, సీనియర్ పీవో టి. శ్రీనివాసరావు, స్పోర్ట్స్ సూపర్ వైజర్ ఎంసీ పోస్నెట్, కో ఆర్డినేటర్ రమేశ్ పాల్గొన్నారు.
