సూర్యాపేట, వెలుగు : రాష్ట్రంలోని సంక్షేమ హాస్టల్స్, గురుకులాలకు సొంత భవనాలు నిర్మించాలని, విద్యార్థులకు ప్రస్తుతం అందించే మెస్ చార్జీలు రూ.1500 నుంచి రూ.4000లకు పెంచాలని తెలంగాణ సోషలిస్ట్ స్టూడెంట్స్ అసోసియేషన్ వ్యవస్థాపక అధ్యక్షుడు కూరెల్లి మహేశ్కుమార్ ప్రభుత్వాన్ని కోరారు. మంగళవారం జిల్లా కేంద్రంలోని పలు ఎస్సీ, ఎస్టీ, బీసీ బాలురు, బాలికల వసతి గృహాలను ఆయన సందర్శించారు. ఈ సందర్భంగా మహేశ్ కుమార్ మాట్లాడుతూ విద్యతోనే దేశం అభివృద్ధి సాధిస్తుందని, అలాంటి విద్యారంగాన్ని కేంద్ర, రాష్ట్ర ప్రభుత్వాలు వివక్ష చూపితే ఊరుకోబోమని హెచ్చరించారు.
పెండింగ్లో ఉన్న ఫీజు రీయింబర్స్మెంట్, స్కాలర్షిప్తక్షణమే ప్రభుత్వం విడుదల చేయాలని డిమాండ్ చేశారు. ఎస్సీ, ఎస్టీ, బీసీ, మైనార్టీ గురుకులాలకు వెంటనే పూర్తి స్థాయిలో ప్రిన్సిపాల్స్ ను నియమించాలని కోరారు. విద్య, ఆర్థిక, మానసిక, ఆరోగ్య సాధనకై టీఎస్ఎస్ఏ ఆధ్వర్యంలో నవంబర్ 22న హనుమకొండలో నిర్వహించనున్న విద్యార్థి యుద్ధభేరి మహాసభను జయప్రదం చేయాలని పిలుపునిచ్చారు. అనంతరం మహాసభకు సంబంధించిన వాల్పోస్టర్ను ఆయన ఆవిష్కరించారు. కార్యక్రమంలో విద్యార్థి సంఘం నాయకులు పాల్గొన్నారు.
