ఆడవాళ్లకు తమ ప్రేమని చెప్పడానికి మగవాళ్లు రకరకాల మార్గాలు ఎంచుకుంటారు. కొందరు లెటర్లు రాస్తారు. మరికొందరు మెసేజ్లు పంపుతారు. అలాగే మగ తిమింగలాలు ఆడ తిమింగలాలను ఎట్రాక్ట్ చేయడానికి, అవి ఎక్కడున్నాయో తెలుసుకోవడానికి పెద్దగా పాటలు పాడతాయి. ఈ పాటల వల్లే ఆడ, మగ ఒకదాన్ని మరొకటి కనుక్కోగలుగుతాయి. అందుకే వాటి మనుగడకు ఈ పాటలు చాలా ముఖ్యం అంటున్నారు సైంటిస్ట్లు.
తిమింగలాలు పాడితే ఆ సౌండ్స్ దాదాపు1,000 కిలో మీటర్ల (600 మైళ్ళు) దూరం వరకు వినిపిస్తాయి. కొన్ని తిమింగలాల పాటలు అంతకంటే ఎక్కువ దూరం కూడా వినిపిస్తాయి. హంప్బ్యాక్ అనే వేల్స్ ఆస్ట్రేలియాలో పాడితే ఫ్రెంచ్ పాలినేషియాలో తిమింగలాలకు వినిపిస్తోందట! పాటలు పాడడానికి వాటి బాడీలో ప్రత్యేకంగా ‘వాయిస్ బాక్స్’ ఉంటుంది. బ్లూ, హంప్బ్యాక్, రైట్, మింకే, గ్రే వేల్స్తో సహా మొత్తం14 జాతుల్లో ఇలాంటి వాయిస్ బాక్స్లను గుర్తించారు.
