దేశవ్యాప్తంగా ఒకే సమయాన్ని ప్రామాణీకరించే చర్యలో భాగంగా అన్ని రంగాల్లో భారత ప్రామాణిక సమయం (ఐఎస్టీ) వినియోగాన్ని తప్పనిసరి చేస్తూ కేంద్రం ముసాయిదా నిబంధనలు రూపొందించింది. వీటిపై వచ్చే నెల 14 లోపు ప్రజలు తమ అభిప్రాయాలను తెలపాలని కేంద్ర వినియోగ వ్యవహారాల శాఖ కోరింది.
ఇందుకోసం లీగల్ మెట్రోలజీ (ఇండియన్ స్టాండర్డ్ టైం) రూల్స్–2024లో చట్టపరమైన విధివిధానాలు ఏర్పాటు చేశారు. ఇవి అమల్లోకి వస్తే చట్ట, పాలన, వాణిజ్య, ఆర్థికరంగాలతోపాటు అధికారిక పత్రాల్లోనూ ఇక ఇండియన్ స్టాండర్డ్ టైం(ఐఎస్టీ) తప్పనిసరి.
ALSO READ | పొలార్ శాటిలైట్ లాంచ్ వెహికల్.. ప్రత్యేక కథనం
ఈ చట్టంలోని ముసాయిదా నిబంధనల ప్రకారం ఐఎస్టీ కాకుండా ఇతర టైమ్ జోన్లను(కాలమానాలను) ఉపయోగించడాన్ని నిషేధిస్తున్నట్లు అందులో స్పష్టం చేసింది. అంతరిక్షం, సముద్రయానం, శాస్త్రీయ పరిశోధన రంగాలకు మినహాయింపు ఇచ్చింది.
