2020 నుంచి వాట్సాప్ స్టాటస్ లో ప్రకటనలు

ఇప్పటి వరకు యాడ్ ఫ్రీ గా ఉన్న వాట్సాప్ లో వచ్చే ఏడాది నుంచి ప్రకటనలు రాబోతున్నాయి. ఈ విషయాన్ని సోషల్ మీడియా ఫేస్ బుక్ అడ్వర్టైజింగ్ హెడ్ ఒలివీర్ పోంటెవిల్లే తెలిపారు. 2020 నుంచి వాట్సాప్ స్టాటస్ లో ప్రకటనలు రానున్నట్టు నెదర్లాండ్ లో జరిగిన ఫేస్ బుక్ మార్కెటింగ్ సమ్మిట్ లో ఆయన ఈ విషయాన్ని వెల్లడించారు.

ఇప్పటి వరకు వాట్సాప్ యూజర్లు తమ స్టాటస్ లలో వారికి నచ్చిన సందేశాన్ని, ఫోటోలను, వీడియోలను షేర్ చేసేవారు. ఇక వచ్చే ఏడాది నుంచి వారి స్టాటస్ లో ప్రకటనలు కూడా దర్శనమివ్వనున్నాయి.