వాట్సాప్ ఎప్పటికప్పుడు కొత్త ఫీచర్స్ అప్డేట్ చేస్తూనే ఉంటుంది. అది కూడా చాలా ఫాస్ట్గా. ఇదే వరుసలో ఆండ్రాయిడ్ యూజర్ల కోసం మరో కొత్త ఫీచర్ తెచ్చింది వాట్సాప్. అదే... డిఫాల్ట్ చాట్ థీమ్ (Default Chat Theme).
ఆండ్రాయిడ్ యూజర్ల కోసం ఈ కొత్త ఫీచర్ విడుదల చేస్తున్నట్లు వాబీటాఇన్ఫో (WABetaInfo) చెప్పింది. వాట్సాప్లో రానున్న రోజుల్లో వచ్చే కొత్త అప్డేట్ ద్వారా ఈ ఫీచర్ అందుబాటులో ఉంటుంది. వాబీటాఇన్ఫో ట్విట్టర్ అకౌంట్ నుంచి ఈ కొత్త అప్డేట్ను స్క్రీన్ షాట్తో పాటు షేర్ చేసింది. దాని సారాంశం త్వరలో వాట్సాప్ కొత్త డీఫాల్ట్ చాట్ థీమ్ ఫీచర్ను ఆండ్రాయిడ్ యూజర్ల కోసం తెస్తోంది. నిజానికి, ఈ డీఫాల్ట్ చాట్ థీమ్ ఫీచర్ ఇప్పటికే బీటా టెస్టర్స్ కోసం ఆండ్రాయిడ్ వాట్సాప్ బీటా 2.24.2012 అప్డేట్ను గూగుల్ ప్లే స్టోర్లో ఉంచింది. ఈ ఫీచర్తో చాలా రకాలైన స్టయిల్స్లో నచ్చిన థీమ్ను ఎంచుకునే అవకాశం ఉంది.
ఇందులో మల్టీ కలర్, వైడ్ రేంజ్ ఆప్షన్స్ కూడా యూజర్లకు అందుబాటులోకి వస్తాయి. అంతేకాకుండా థీమ్ బ్రైట్నెస్ కూడా సరిచేసుకునే అవకాశం ఉంది. ఈ కొత్త మల్టీ కలర్ చాట్ థీమ్ను సెలక్ట్ చేసుకున్న యూజర్లకు వాల్ పేపర్, చాట్ బబుల్ కలర్ కూడా ఆటోమేటిక్గా మారిపోతుంది. అంటే వాల్ పేపర్ను బట్టి చాట్ బబుల్ కలర్ అడ్జస్ట్ అవుతుంది. అంతేకాదు, యాప్ సెట్టింగ్ ద్వారా యూజర్లు థీమ్ కస్టమైజేషన్ ఆప్షన్ వాడి చాట్ థీమ్ను యూజర్కు నచ్చిన విధంగా కస్టమైజ్ చేసుకోవచ్చు.
