వాట్సాప్లో లేటెస్ట్గా స్క్రీన్ షేరింగ్ ఫీచర్ వచ్చింది. ఇకపై స్క్రీన్ షాట్స్ తీసి పంపడం, డాక్యుమెంట్స్ షేర్ చేసే అవసరం లేకుండా ఈ ఫీచర్ వాడితే సరిపోతుంది. అందుకోసం ముందుగా వాట్సాప్ని అప్డేట్ చేయాలి. తర్వాత యాప్లోకి వెళ్లి కాంటాక్ట్ సెలక్ట్ చేసుకుని, వీడియో కాల్ చేయాలి. అవతల వాళ్లు కాల్ లిఫ్ట్ చేశాక, మీ ఫోన్లో వీడియో కింద కుడివైపున షేరింగ్ సింబల్ కనిపిస్తుంది. దానిపై ట్యాప్ చేస్తే ‘స్టార్ట్ నౌ’ అని వస్తుంది. దాని మీద ట్యాప్ చేయగానే మీ ఫోన్లో ఉన్న స్ర్కీన్ అవతలి వాళ్ల ఫోన్లో కూడా కనిపిస్తుంది. మీ ఫోన్లో ఏ యాప్స్ ఓపెన్ చేసినా వాళ్ల ఫోన్లో కూడా కనిపిస్తూ ఉంటుంది. కాబట్టి డాక్యుమెంట్స్ ఫైల్స్ ఏవైనా చూడాలనుకుంటే వెంటనే ఓపెన్ చేసి చూపించొచ్చు.
ఏవైనా ప్రజెంటేషన్స్ రెడీ చేస్తే వాటిని కూడా లైవ్లో చూపించి, కరెక్షన్స్ తెలుసుకోవచ్చు. అలాగే టెక్నాలజీ ఇన్ఫర్మేషన్ కావాలంటే కొందరికి ఫోన్లో చెప్తే అర్థం కాదు. అలాంటప్పుడు వీడియో కాల్ చేసి, స్ర్కీన్ షేరింగ్ ద్వారా వాళ్లకు అర్థమయ్యేలా చూపిస్తూ చెప్పొచ్చు. పని పూర్తయ్యాక స్క్రీన్ షేరింగ్ ఆపడానికి ‘స్టాప్’ అనే ఆప్షన్ మీద ట్యాప్ చేయాలి. ఇప్పటికే ఈ ఫీచర్ బీటా వెర్షన్లో వాడకంలో ఉంది. ప్రస్తుతం అందరికీ అందులోబాటులోకి తీసుకొచ్చింది.
