మీరు గృహిణులా..! రిటైర్డ్ ఉద్యోగులా..! ఇంట్లో ఖాళీగా ఉంటున్నారా.. ప్రతిరోజు వేలల్లో సంపాదించుకోండి. 5 లక్షల రూపాయల రుణం పొందడానికి మీరు అర్హత పొందారు.. ఒక్క క్లిక్ చేయండి చాలు. లాంటి మెసేజులతో విసిగిపోతున్నారా? ఈ పీడకు ప్రముఖ ఇన్‌స్టంట్ మెసేజింగ్ ప్లాట్‌ఫారమ్ వాట్సాప్ విరుగుడు కనిపెట్టింది.
ఏది స్కామ్‌, ఏది స్పామ్? దేనిని నమ్మాలో.. నమ్మకూడదో తెలియక మోసపోతున్న సెల్‌ఫోన్‌ వినియోగదారులకు ఊరటనిచ్చేలా సరికొత్త ఫీచర్‌ను వాట్సాప్ అందుబాటులోకి తెచ్చింది. ఈ సెక్యూరిటీ ఫీచర్ వినియోగదారులకు అవాంఛిత సందేశాల అయోమయాన్ని తగ్గించడంలో సహాయపడుతుందని వాబీటా(WABetaInfo) ఇన్ఫో పేర్కొంది.
ఈ ఫీచర్‌ను ఎనేబుల్ చేసుకుంటే, తెలియని ఖాతాల నుండి సందేశాలు వచ్చినపుడు ఆటోమేటిక్‌గా బ్లాక్ చేస్తుంది. అయితే, ప్రస్తుతం ఈ ఫీచర్ ఆండ్రాయిడ్ ఫోన్లలో మాత్రమే అందుబాటులో ఉంది. ఎలా ఎనేబుల్ చేసుకోవాలనేది స్టెప్ బై స్టెప్ రూపంలో తెలుసుకుందాం.. స్పామ్ ఫీచర్‌ని ఎనేబుల్ చేసుకునే విధానం
- మొదట వాట్సప్ ఓపెన్ చేసి.. కుడి వైపు పైభాగంలో ఉన్న మూడు చుక్కలపై క్లిక్ చేయండి.
- అనంతరం సెట్టింగ్‌ ఆప్షన్ ఎంచుకొని.. ప్రైవసీ(Privacy) విభాగంపై క్లిక్ చేయండి.
- ఇప్పుడు కిందకు స్క్రోల్ చేస్తే.. అడ్వాన్స్‌డ్(Advanced) అనే ఆప్షన్ కనిపిస్తుంది.. దానిని క్లిక్ చేయండి.
- ఇక్కడ ప్రొటెక్ట్ ఐపీ అడ్రెస్ ఫ్రమ్ కాల్స్ (Protect IP address in calls) కనిపిస్తుంది.. దానిని ఎనేబుల్ చేయండి.
WhatsApp ఇతర ఫీచర్లు
స్పామ్ బ్లాకింగ్‌తో పాటు, వాట్సాప్ కొత్త AI- పవర్డ్ ఫీచర్‌ను పరిచయం చేసింది. ఇది వినియోగదారులకు కస్టమ్ స్టిక్కర్‌లు రూపొందించడానికి సహాయ పడుతుంది.
WhatsApp news of the week: automatic unknown account messages blocking feature is under development!
— WABetaInfo (@WABetaInfo) August 17, 2024
This weekly summary can help you catch up on our 6 stories about WhatsApp beta for Android, iOS, and Desktop!https://t.co/Pb5mml90qm pic.twitter.com/yAx60Ba1Pl
