ఇటీవల కాలంలో మేసేజింగ్ అప్లికేషన్లతో ఫేక్ న్యూస్ బాగా స్ప్రెడ్ అవుతోంది. ఈ మేసేజ్ల ద్వారా సైబర్ నేరాలకు పాల్పడుతున్నారు. ఇటువంటి తప్పుడు సమా చారాన్ని పంపించేందుకు ఇన్స్టాగ్రామ్, X(గతంలో ట్విట్టర్), వాట్సాప్ వంటి మేసేజింగ్ యాప్లను కూడా వాడుకుంటున్నారు. సైబర్ నేరాలు పెరుగుతున్న క్రమంలో వాట్సాప్ తన వినియోగదారులకోసం ఎప్పటికప్పుడు భద్రతకు సంబంధించిన చర్యలు చేపడుతోంది. అందులో భాగంగానే కొత్తగా సేఫ్టీ ఫీచర్ను త్వరలో అందుబాటులోకి తీసుకురానుంది. ఈ ఫీచర్ ప్రస్తుతం టెస్టింగ్ దశలో ఉంది.
ఈ ఫీచర్ ద్వారా వాట్సాప్ యూజర్లు యాప్ ద్వారా వచ్చే వెబ్ లింకులను, మేసేజ్లలో సమాచారం నిజమైందా కాదా అని క్రాస్ చెక్ చేసుకునే అవకాశం ఉంది. లింక్ ను క్లిక్ చేసినప్పుడు అది సరియైన మేసేజ్ ను మాత్రమే గూగుల్ ద్వారా అప్లోడ్ చేస్తుంది. ఈ రిఫైన్డ్ ఫీచర్ ద్వారా యూజర్లు హానికరమైన లింక్ లను గుర్తించడం, తగిన చర్యలు తీసుకోవడం కోసం ఉపయోగపడుతుంది.ఈ ఫీచర్ను వాడాలా వద్దా అనేది యూజర్ పై ఆధారపడి ఉంటుంది. సెలక్ట్చేసుకుంటే మాత్రమే పని చేస్తుంది.
Also Read :- 80వేల ఏండ్ల నాటి తోకచుక్క
ఈ కొత్త ఫీచర్ లేటెస్ట్ అండ్రాయిడ్ వాట్సాప్ బీటా వెర్షన్ 2.24.20.28లో ప్రస్తుతం టెస్టింగ్ దశలో కనిపిస్తుంది. ఏదైనా లింక్ కొత్త కాంటాక్ట్ నుంచి గానీ, తెలిసిన నంబర్ నుంచి గానీ వస్తే దానిపై ‘‘సెర్చ్ ఆన్ వెబ్’’ ఆప్షన్ కనిపిస్తుంది. ఈ ఆప్షన్ క్లిక్ చేస్తే మీకు వచ్చిన మేసేజ్సరియైందో కాదో తెలుసుకునేందుకు గూగుల్ లో సెర్చ్ చేస్తుంది. అందులో ఎలాంటి అఫిషియల్ న్యూస్ దొరక్కపోతే అది ఫేక్ న్యూస్ అని నిర్దారిస్తుంది.
