మలయాళ స్టార్ ఉన్ని ముకుందన్ హీరోగా నటించిన మార్కో సినిమా ఓటీటీ అప్డేట్ వచ్చింది. డిసెంబర్ 20న రిలీజైన ఈ మూవీ 2024 డిసెంబర్ చివర్లో మలయాళంలో సూపర్ హిట్ అయింది. కేవలం రూ.30 కోట్ల బడ్జెట్తో తెరకెక్కిన ఈ మూవీ బాక్సాఫీస్ వద్ద రూ.100 కోట్ల కలెక్షన్స్ రాబట్టింది. న్యూ ఇయర్ స్పెషల్గా జనవరి 1న రిలీజై అదరగొట్టింది.
ఈ మూవీ ఓటీటీ హక్కులను భారీ ధరకు సోనీ లివ్ దక్కించుకుంది. తాజాగా శుక్రవారం (జనవరి 31న) సోనీ లివ్ అధికారికంగా ఓటీటీ స్ట్రీమింగ్ వివరాలు అనౌన్స్ చేసింది. మార్కో మూవీ ఫిబ్రవరి 14 నుంచి స్ట్రీమింగ్ కానున్నట్లు తెలిపింది.
Also Read :- కిన్నెర అఖాడా నుంచి బాలీవుడ్ నటి బహిష్కరణ
"మలయాళ సినిమా చరిత్రలోనే అతిపెద్ద యాక్షన్ థ్రిల్లర్ మీ ముందుకు వస్తోంది! ఫిబ్రవరి 14న Sony LIVలో ప్రసారం అవుతున్న మార్కోతో అద్భుతమైన థ్రిల్ కి సిద్ధంగా ఉండండి" అంటూ పోస్టర్ రిలీజ్ చేసింది. మలయాళంతోపాటు తెలుగు, తమిళం, కన్నడ భాషల్లో ఈ సినిమా అందుబాటులోకి రానుందని సోనీ లివ్ వెల్లడించింది.
Biggest action thriller of Malayalam cinema is coming your way! Get ready for the ultimate adrenaline rush with #Marco, streaming Feb 14 on SonyLIV.@Iamunnimukundan #ShareefMuhammed #CubesEntertainments #HaneefAdeni #RaviBasrur #KabirDuhanSingh #AbhimanyuShammyThilakan pic.twitter.com/rTYVnYwJx2
— Sony LIV (@SonyLIV) January 31, 2025
ఈ సినిమాకు తెలుగు ప్రేక్షకులు నుంచి మంచి ఆదరణ వచ్చింది. యాక్షన్ థ్రిల్లర్ బ్యాక్ డ్రాప్లో తెరకెక్కిన విజువల్స్కి బాగా కనెక్ట్ అయ్యారు. ఇందులో ఉన్న యాక్షన్స్ కేజీఎఫ్, యానిమల్, కిల్ సినిమాలని మించి తలపించాయి. మార్కో రివేంజ్ డ్రామా మూవీ. త‌న సోద‌రుడి మ‌ర‌ణంపై ప్ర‌తీకారం తీర్చుకునే ఓ యువ‌కుడి క‌థ‌తో సినిమా తెరకెక్కింది. హింస‌కి ప‌రాకాష్ట అనిపించే స‌న్నివేశాల‌తో సాగే క‌థ ఇది. సున్నిత మ‌న‌స్కులు ఈ సినిమాకి దూరంగా ఉండ‌ట‌మే కొంతవరకు మేలు అని చెప్పాలి.
ఈ సినిమాకు హ‌నీఫ్‌ అదేని ద‌ర్శ‌క‌త్వం వ‌హించాడు. కేజీఎఫ్ ఫేమ్ ర‌వి బ‌స్రూర్ మ్యూజిక్ అందించాడు. తరేజా హీరోయిన్ గా నటించగా ప్రముఖ బాలీవుడ్ నటుడు కబీర్ దుహన్ సింగ్ విలన్ గా నటించాడు. మలయాళ ప్రముఖ సినీ నిర్మాత షరీఫ్ మహమ్మద్ క్యూబ్స్ ఎంటర్టైంన్మెంట్స్ బ్యానర్ పై నిర్మించాడు. తెలుగులో ప్రముఖ సినీ డిస్ట్రిబ్యూటెడ్ సంస్థ ఎన్వీఆర్ సినిమాస్ రిలీజ్ చేసింది.
