కొన్ని సినిమాలు చూడాలంటే భాష, భావం, హీరోలు అనేది తేడా ఏమిలేదు. కొంతమంది ఆడియన్స్ కి సినిమాల్లో కథ, క్రైమ్ ఉంటే చాలు. ఎంచక్కా ఆడియన్స్ ఎంజాయ్ చేసేస్తారు. సరిగ్గా అలాంటి వారికోసమే ఈ లేటెస్ట్ మలయాళ సినిమా ముర (Mura). నవంబర్ నెలలో థియేటర్లో రిలీజైన ఈ సినిమా ఇపుడు ఓటీటీకి వచ్చేస్తోంది. ఆ వివరాలేంటో తెలుసుకుందాం.
ముర ఓటీటీ:
హృధు హరూన్, సూరజ్ వెంజరమూడు మరియు మాలా పార్వతి ప్రధాన పాత్రల్లో నటించిన మూవీ ముర. ఈ యాక్షన్ థ్రిల్లర్ మూవీ నవంబర్ 8న థియేటర్లలోకి వచ్చి ఘన విజయం సాధించింది. ఈ సినిమా కథ కథనాలు విమర్శకులు మరియు ప్రేక్షకుల నుండి మంచి ఆదరణ పొందింది. ఇపుడీ ఈ మూవీ డిసెంబర్ 25 నుంచి అమెజాన్ ప్రైమ్ వీడియోలో స్ట్రీమింగ్ కానుంది. ఈ మేరకు అధికారంగా ప్రైమ్ వీడియో పోస్ట్ చేసింది. ఈ మూవీని ముహ్మద్ ముస్తాఫా డైరెక్ట్ చేశాడు. ఈ డైరెక్టర్ గతంలో కప్పెల మూవీతో ఆడియన్స్ కి ఎంతో సుపరిచితం. ముర మూవీతో మరోసారి బాక్సాఫీస్ హిట్ కొట్టాడు డైరెక్టర్ ముహ్మద్ ముస్తాఫా.
ALSO READ | విష్ణు ఎలాంటి గొడవ చేయలేదు..నా చిన్న కొడుకు మనోజ్ చెప్పేవన్నీ అబద్ధాలు : మంచు నిర్మల
ముర కథ:
కేరళ రాజధాని తిరువనంతపురంలో జరిగిన స్టోరీగా ముర తెరకెక్కింది. నలుగురు ఉద్యోగాలు లేని యువత చుట్టూ తిరిగే స్టోరీ ఇది. ఆనందు, సాజీ, మను మరియు మనాఫ్.. అనే ఈ నలుగురు కుర్రాళ్ళు తమిళనాడులో అధిక స్టేక్స్ దోపిడీకి ప్లాన్ చేస్తారు.ఈ దోపిడీ కోసం ప్రయత్నించే క్రమంలో వాళ్ల జీవితాలు ఎలా మలుపు తిరిగాయన్నది ఈ మూవీలో ప్రధాన అంశంగా రూపొందించారు. థ్రిల్లింగ్ సీన్స్, గ్రిప్పింగ్ స్క్రీన్ ప్లే ఆడియన్స్ ని కట్టిపడేయంలో డైరెక్టర్ సక్సెస్ అయ్యాడు.
