మున్ననూరు టోల్​ప్లాజా నుంచి వెళ్లినట్లు మెసేజ్‌లు

మిడ్జిల్, వెలుగు : టెక్నికల్​ప్రాబ్లమో, మరో సమస్యనో గాని, మహబూబ్​నగర్​జిల్లా మిడ్జిల్​మండలం మున్ననూరు టోల్​ప్లాజా నుంచి వెహికల్స్‌‌ వెళ్లపోయినా ఫాస్టాగ్‌‌ నుంచి అమౌంట్ కట్‌‌ అవుతోంది.  ఒకటి రెండు సార్లు వెళ్తే..  నాలుగైదు సార్లు కంటిన్యూగా డిబెట్‌‌ అవుతున్నట్లు ఫోన్లకు మెసేజ్‌‌లు వస్తున్నాయి.   దీంతో వెహికల్స్​ ఓనర్లు రీఫండ్ చేయాలని టోల్ ప్లాజా వద్దకు వెళ్తే  సిబ్బంది నిర్లక్ష్యంగా సమాధానం ఇస్తున్నారు. చేసేది లేక వెహికల్స్‌‌ ఓనర్లు  టోల్​ ప్లాజా వద్ద ఆందోళనకు దిగుతున్నారు.

ఎన్‌‌హెచ్‌‌ 167పై..

జడ్చర్ల- కల్వకుర్తి మధ్య ఉన్న ఎన్​హెచ్​-167పై మున్ననూరు వద్ద రెండేళ్ల కింద టోల్​ప్లాజాను ఏర్పాటు చేశారు. దీని మీదుగా మహబూబ్​నగర్​ నుంచి కల్వకుర్తి, నల్లగొండ జిల్లాలోని దేవరకొండ, మిర్యాలగూడ, కోదాడ, ఏపీలోని గుంటూరు ప్రాంతాల మధ్య వెహికల్స్ వెళ్తుంటాయి.  కార్లు, జీపులకు రూ.45, అప్​అండ్​డౌన్​ అయితే రూ.65, లైట్​ గూడ్స్​, మినీ బస్సులకు రూ.70, అప్​అండ్​డౌన్‌‌  రూ.105, బస్సులు, ట్రక్కులకు రూ.150, అప్​అండ్​డౌన్‌‌కు రూ.225, హెవీ కన్​స్ర్టక్షన్​ మిషనరీలు, ఎర్త్​ మూవింగ్​ఎక్విప్​మెంట్​ వెహికల్స్‌‌కు రూ.235, అప్అండ్‌‌డౌన్‌‌కు రూ.355 ఫాస్టాగ్‌‌ కింద చార్జ్‌‌ చేస్తున్నారు. 

రాయలసీమకు చెందిన వ్యక్తికి కాంట్రాక్ట్

గత సెప్టెంబర్‌‌‌‌లో టోల్​ప్లాజా నిర్వహణ బాధ్యతను నేషనల్ హైవే అథారిటీ ఆఫ్ ఇండియా ఏపీలోని అనంతపురం జిల్లాకు చెందిన కాంట్రాక్టర్ టి.సూర్యనారాయణ రెడ్డి అప్పగించింది. అప్పటి నుంచి ప్లాజా మీదుగా వెళ్లే వెహికల్స్‌‌కు అదనంగా ఫాస్టాగ్‌‌ వ్యాలెట్‌‌ నుంచి అమౌంట్ కట్​అవుతోంది.  సమీప ప్రాంతాల్లో ఉండే వెహికల్స్​ఇక్కడి నుంచి వెళ్లకున్నా కూడా డబ్బులు డెబిట్ అవుతున్నాయి.  సెప్టెంబర్‌‌‌‌ నుంచి ఇదే పరిస్థితి ఉన్నా.. పది రోజుల నుంచి ఇది మరీ ఎక్కువైందని,  మూడు నాలుగు సార్లు అమౌంట్​కట్ అవుతోందని వెహికల్స్​ఓనర్లు వాపోతున్నారు. అక్కడి సిబ్బందిని ప్రశ్నిస్తే టెక్నికల్​ప్రాబ్లం అని నిర్లక్ష్యంగా సమాధానం ఇస్తున్నారని వాపోతున్నారు. 

మైనస్‌‌ అమౌంట్‌‌లోకి వెళ్తున్న వ్యాలెట్‌‌లు 

సాధారణంగా ఫాస్టాగ్ వ్యాలెట్‌‌లో జీరో అమౌంట్​ఉంటే వెహికల్​ టోల్​ప్లాజా వద్దకు వెళ్లినప్పుడు గేట్​ ఓపెన్​ కాదు.  ఓనర్​ బైహ్యాండ్​ ద్వారా క్యాష్​ కట్టాల్సి ఉంటుంది. కానీ, మున్ననూరు టోల్​ ప్లాజా వద్ద మాత్రం జీరో బ్యాలెన్స్‌‌ ఉన్నా గేట్‌‌ తెరుచుకుంటోంది.  వ్యాలెట్‌‌ అమౌంట్​మైనస్‌‌లోకి పడిపోతుండడంతో వినియోగదారులు ఆందోళన వ్యక్తం చేస్తున్నారు.

పాసులు కూడా ఇస్తలేరు

టోల్​ప్లాజాలు ఏర్పాటు చేశాక సమీప గ్రామాల్లో ఉండే కార్లు, జీపులు, ట్రాక్టర్ల యజమానులకు రూల్​ ప్రకారం పాసులు ఇవ్వాలి. కానీ, మున్ననూరు టోల్​ప్లాజా వద్ద ఇంత వరకు ఎవరికీ పాసులు ఇవ్వలేదు. టోల్​ ప్లాజా నుంచి పది కిలోమీటర్ల దూరంలో ఉండే వెహికల్స్​కు నెలకు రూ.150, 20 కిలోమీటర్ల దూరంలో ఉండే వెహికల్స్​కు రూ.300 లాగా ఒక్కో వాహనానికి పాసులు ఇవ్వాలి. కానీ, రెండేళ్లు కావస్తున్నా, ఎవరికీ పాసులు ఇవ్వడం లేదు. దీంతో వారు ఈ వెహికల్స్‌‌ను టోల్​ప్లాజా మీదుగా తీసుకెళ్లినప్పుడల్లా అమౌంట్​ కట్​అవుతూనే ఉంది. 

టెక్నికల్ ​ప్లాబ్లంతోనే.. 

టోల్​ప్లాజా నుంచి వెహికల్స్​ వెళ్లకున్నా.. ఫాస్టాగ్ ద్వారా వాలెట్ నుంచి డబ్బులు కట్ అయిన మాట వాస్తవమే. టెక్నికల్ ఇష్యూ వల్ల ఇలా జరిగింది. ఇందులో మా తప్పిదమేం లేదు. ఈ విషయాన్ని నేషనల్ హైవే అధికారులకు వివరించాం. రీ ఫండ్ ప్రాసెస్ చేస్తున్నట్టు చెప్పారు. - వంశీ, మేనేజర్, మున్ననూరు టోల్ ప్లాజా

మహబూబ్​నగర్ జిల్లా మిడ్జిల్​కు చెందిన వరూణ్​రాజుకు టీఎస్​09ఈవై 5814 నంబర్‌‌‌‌ మీద కారు ఉంది. నవంబరు 20న మున్ననూరు టోల్​ప్లాజా​మీదుగా ప్రయాణం చేశాడు. టోల్​ఫీజు ఫాస్టాగ్ నుంచి ఒకసారికి బదులు  మూడు సార్లు కట్​అయ్యింది. - వరుణ్ రాజుకు కట్​ అయిన అమౌంట్​

మిడ్జిల్ మండలం బోయిన్​పల్లి గ్రామానికి చెందిన నరేశ్‌‌ కారు (టీఎస్​06ఎఫ్ఈ0792)లో ఈ నెల 20న కల్వకుర్తికి వెళ్లాడు.  మున్ననూరు టోల్​ప్లాజా మీదుగా వెళ్లకున్నా అమౌంట్‌‌ కట్‌‌ అయినట్లు 23న మెసేజ్​ వచ్చింది. రూ.45 చొప్పున నాలుగు సార్లు రూ.180  కట్​అయ్యింది. - నరేశ్​ కోటక్​ ఫాస్​టాగ్ నుంచి కట్​ అయిన అమౌంట్​