- మండవ ఇంటికి రేవంత్
- నిజామాబాద్ రూరల్ లేదా అర్బన్ టికెట్ ఇస్తామని హామీ!
- ఈ భేటీలో పాల్గొన్న బీజేపీ నేత రేవూరి ప్రకాశ్ రెడ్డి
హైదరాబాద్, వెలుగు : కాంగ్రెస్ పార్టీ ఓ వైపు కొత్త లీడర్లకు ఆహ్వా నం పలుకుతూనే.. మరోవైపు టికెట్ దక్కక అలకబూనిన నేతలను బుజ్జగిస్తున్నది. పీసీసీ చీఫ్ రేవంత్రెడ్డి.. గతంలో టీడీపీ హయాంలో మంత్రిగా పని చేసిన మండవ వెంకటేశ్వరరావుతో ఆదివారం రాత్రి సమావేశమయ్యారు. కాంగ్రెస్పార్టీలోకి రావాలని ఆయనను ఆహ్వానించారు. రేవంత్ తో పాటు పొంగులేటి శ్రీనివాస్రెడ్డి, తుమ్మల నాగేశ్వర్రావు, మల్లు రవి, సంపత్కుమార్.. మండవ ఇంటికి వెళ్లి చర్చలు జరిపారు. నిజామాబాద్రూరల్ లేదా అర్బన్ టికెట్ ఇస్తామని వాళ్లు హామీ ఇచ్చినట్టు తెలిసింది. అయితే ఆలోచించి నిర్ణయం తీసుకుంటానని మండవ చెప్పినట్టు సమాచారం.
త్వరలోనే మండవ వెంకటేశ్వర రావు కాంగ్రెస్ లో చేరతారని పార్టీ వర్గాలు పేర్కొంటున్నాయి. మరోవైపు ఈ భేటీలో బీజేపీ నేత రేవూరి ప్రకాశ్రెడ్డి కూడా పాల్గొన్నారు. ఆయన కూడా కాంగ్రెస్ లోకి వెళ్తారన్న ప్రచారం జరుగుతోంది. రేవూరి పరకాల టికెట్ను ఆశిస్తున్నట్టు పార్టీ వర్గాలు అంటున్నాయి. కాగా మండవ, రేవూరి ఇద్దరూ గతంలో టీడీపీలో పని చేశారు. ఆ చొరవతోనే రేవంత్వారిని పార్టీలోకి తీసుకొచ్చేందుకు ప్రయత్నాలు చేస్తున్నట్టు తెలిసింది.
నాగం ఇంటికి జానా..
నాగర్కర్నూల్ టికెట్ రాలేదని అసంతృప్తితో ఉన్న నాగం జనార్దన్రెడ్డి ఇంటికి ఆదివారం రాత్రి బుజ్జగింపుల కమిటీ సభ్యుడు జానారెడ్డి వెళ్లారు. ఆ యనను బుజ్జగించినట్టు తెలిసింది. నాగర్క ర్నూల్ టికెట్ ఎప్పట్నుంచో నాగం జనార్దన్రెడ్డి ఆశిస్తుండగా, అక్కడ కూచుకుళ్ల రాజేశ్రెడ్డిని అభ్యర్థిగా ప్రకటించారు. దీంతో నాగం అసంతృప్తితో ఉన్నట్టు తెలుస్తున్నది. రెండ్రోజుల క్రితమే గాంధీభవన్కు నాగం కుమారుడు తన అనుచరులతో వచ్చి ఆందోళనకు దిగారు. తన తండ్రికి టికెట్ ఇవ్వాలని డిమాండ్ చేశారు. కాగా, టికెట్ దక్కకపోయినా ఇండిపెండెంట్గా పోటీ చేయాలని నాగం ఆలోచిస్తున్నట్టు తెలిసింది.
