సెల్ ఫోన్ మాట్లాడుతూ మతిమరుపుతో ఒక్కోసారి ఏం చేస్తామో అర్థం కాదు.. మాటల్లో పడి చేయాల్సిన పనిని పక్కకు పెడతాం.. ఒక్కోసారి ఆ నిర్లక్ష్యం మనుషుల ప్రాణాలు కూడా తీస్తుంది. లేటెస్ట్ గా ఖమ్మం జిల్లాలో సెల్ ఫోన్ మాట్లాడుతూ.. నీళ్లలో పెట్టాల్సిన హీటర్ ను చంకలో పెట్టుకుని ఆన్ చేశాడు ఓ వ్యక్తి.. దీంతో అతను విద్యుత్ కొట్టి అక్కడిక్కడే మృతి చెందాడు.
ఖమ్మం జిల్లాలో దోనెపూడి మహేశ్ బాబు (40) ఆగస్టు 11 రాత్రి ఆయన ఇంట్లో పెంపుడు కుక్కకు స్నానం చేయించేందుకు వేడినీళ్ల కోసం హీటర్ ఆన్ చేయబోయారు. ఈ లోపు ఫోన్ రావడంతో మాట్లాడుతూ.. హీటర్‌ను నీటిలో బదులు చంకలో పెట్టుకుని స్విచ్ ఆన్ చేశారు. దీంతో విద్యుదాఘాతానికి గురై కింద పడిపోయారు. దీంతో అప్రమత్తమైన భార్య దుర్గాదేవి..అతడిని ఆసుపత్రికి తరలించారు. కానీ అప్పటికే ఆయన మృతి చెందినట్లు వైద్యులు తెలిపారు.
