న్యూఢిల్లీ: రోహిత్ శర్మ కెప్టెన్సీ ముగిసిన తర్వాత ఫార్మాట్లకు అనుగుణంగా మూడేళ్ల లీడర్షిప్ ప్లాన్ ఎలా ఉండాలి? మూడు ఫార్మాట్లలో నెక్స్ట్ జనరేషన్కు పనికొచ్చే స్పిన్నర్లు ఎవరు? 2022 అండర్–19 వరల్డ్కప్ విన్నింగ్ టీమ్ నుంచి నేషనల్ టీమ్కు అప్గ్రేడ్ అయ్యే సత్తా ఉన్న ప్లేయర్ ఎవరైనా ఉన్నారా? పంత్ ప్లేస్లో కేఎస్ భరత్ కాకుండా టెస్ట్ టీమ్లోకి వచ్చే కీపర్ ఎవరైనా ఉన్నాడా? సెలెక్షన్ కమిటీ అభ్యర్థుల ఎంపిక కోసం జరిగిన ఇంటర్వ్యూలో అశోక్ మల్హోత్రా నేతృత్వంలోని సీఏసీ అడిగిన ప్రశ్నలు ఇవి.
టీ20 వరల్డ్కప్ తర్వాత సెలెక్షన్ కమిటీని రద్దు చేసిన బీసీసీఐ.. కేవలం చేతన్ శర్మను మాత్రమే కొనసాగిస్తున్నది. ఈ నేపథ్యంలో కొత్త సెలెక్టర్ల కోసం సీఏసీ ఇంటర్వ్యూలను నిర్వహిస్తోంది. సోమవారం జరిగిన ఇంటర్వ్యూకు చేతన్ శర్మతో పాటు హర్విందర్ సింగ్ హాజరయ్యాడు. ఇంటర్వ్యూలకు అప్లై చేసిన వారిలో సీఏసీ 13 మందిని షార్ట్ లిస్ట్ చేసింది. అయితే ఇందులో వెంకటేశ్ ప్రసాద్ పేరు లేకపోవడం గమనార్హం.
