భారత మాజీ దిగ్గజం యువరాజ్ సింగ్ పెళ్ళికి ముందు ఎలా ఉన్నారో.. పెళ్లయ్యాక అలానే ఉన్నారు. ఏమాత్రం మార్పు కనిపించడటం లేదు. బాలీవుడ్ నటి హజెల్ కీచ్‌ని వివాహమాడిన యువీ.. పెళ్లికి ముందు కిమ్ శర్మ, రియా సేన్, దీపికా పదుకొనే, ప్రీతి జింటా వంటి పలువురు బాలీవుడ్ హీరోయిన్లతో ప్రేమాయణం నడిపారు. యుక్తవయసులో ఉన్నప్పుడు ఇలాంటివి కామన్ కదా! పెళ్లయ్యాక మార్పు వస్తుందేమో అంటే అదీ కనిపించటం లేదు.
భార్య పిల్లలతో సంతోషంగా గడుపుతున్న యువీ జీవితంలోకి ఉన్నట్టుండి ఓ మిస్టరీ గర్ల్ దర్శనమిచ్చింది. ఓ అందమైన యువతితో ఫోటో దిగిన యువీ.. దానిని తన ఇన్‌స్టాగ్రామ్‌ స్టోరీలో పోస్ట్ చేశారు. పోనీ అంతటితో ఆగాడా! అంటే అదీ లేదు. "ఈరోజు నువ్వు నాకు ఎన్ని షాట్స్ ఇవ్వబోతున్నావు.." అంటూ బోల్డ్ కామెంట్ జత చేశారు. దీంతో అభిమానులు.. యువీతో కలిసి ఉన్న 'మిస్టరీ గర్ల్' ఎవరా? అని ఆరా తీస్తున్నారు.
క్యాథరిన్ న్యూటన్
యువీతో కలిసివున్న మిస్టరీ గర్ల్ పేరు క్యాథరిన్ న్యూటన్. ఒక అమెరికన్ నటి. కళ్లతోనే మాయ చేయగల ఈ నటి మార్వెల్ పిక్చర్స్ నిర్మించిన యాంట్-మ్యాన్, పారానార్మల్ యాక్టివిటీ, డిటెక్టివ్ పికాచు వంటి సినిమాలలో నటించింది. క్యాథరిన్ నటి అవ్వకముందు గోల్ఫ్ క్రీడాకారిణిగా రాణించేది. ఈ క్రమంలో ఆమెను గురువారం నుండి ప్రారంభంకానున్న రాయల్ లివర్‌పూల్ గోల్ఫ్ క్లబ్‌ 'ది ఓపెన్ ఛాంపియన్‌షిప్'కి ప్రత్యేక అతిథిగా ఆహ్వానించారు. ఇదే వేడుకకు హాజరైన యువీ.. ఆమెతో దిగిన ఫోటోలను సోషల్ మీడియాలో షేర్ చేసుకున్నారు.
అయితే "ఎన్ని షాట్స్ ఇస్తావ్" అన్న కామెంట్ యువీ ఏ ఉద్దేశంతో వాడాడో తెలియక అభిమానులు తలలు పట్టుకుంటున్నారు. మునుపటి యువీని బయటకి తీయొద్దని అతనికి విజ్ఞప్తి చేస్తున్నారు. అయితే మరికొందరు మాత్రం.. క్యాథరిన్ నటించిన 'యాంట్ మ్యాన్ అండ్ ది వాస్ప్' సినిమాలో ఓ సీన్‌ గురించి యువీ ఇలా కామెంట్స్ చేసి ఉండవచ్చని చెప్తున్నారు.
