- క్లూస్టీం,డాగ్స్క్వాడ్ బృందాలతో పోలీసుల విచారణ
- అంతిమయాత్ర నిర్వహించిన భజరంగ్దళ్సభ్యులు
లింగంపేట, వెలుగు: కామారెడ్డి జిల్లా లింగంపేట మండలం పోల్కంపేట గ్రామంలో శుక్రవారం తెల్లవారుజామున గుర్తు తెలియని దుండగులు చాకలి కాంతయ్య అనే రైతుకు చెందిన ఆవును గొడ్డలితో కొట్టి చంపినట్లు స్థానికులు తెలిపారు. కాంతయ్యకు పది పశువులు ఉన్నాయి. రోజులాగే పశువులను గ్రామ సమీపంలో కట్టేశాడు. రాత్రివేళ పశువులకు మేత వేశాడు. ఉదయం వచ్చేసరికి ఆవు రక్తపు మడుగులో పడి ఉంది.
బాధితులు, గ్రామస్థులు పోలీసులకు సమాచారం అందించారు. ఎల్లారెడ్డి డీఎస్పీ శ్రీనివాస్, సీఐ రవీందర్, లింగంపేట ఏఎస్ఐ ప్రకాశ్ ఘటనా స్థలానికి చేరుకుని మృతిచెందిన ఆవును పరిశీలించారు. సీసీఎస్,క్లూస్టీం,డాగ్స్క్వాడ్ బృందాలను రప్పించి గాలింపు చేపట్టారు. స్థానిక పశువైద్యురాలు అన్న జోనస్ మృతి చెందిన ఆవుకు పోస్టుమార్టంనిర్వహించారు. నిందితులను పట్టుకునేందుకు డీఎస్పీ శ్రీనివాస్ రెండు బృందాలను ఏర్పాటు చేశారు.
