నాసిరకం ఛార్జింగ్ కేబుల్స్ చాలా ప్రమాదకరం అని ఎక్స్పర్ట్స్ చెప్తున్నారు. ఎలక్ట్రానిక్ డివైజ్లకు అదే కంపెనీ ఛార్జర్ కేబుల్ వస్తుంది. అయితే అది ఎప్పుడైనా పనిచేయకపోతే కొత్త కేబుల్ కొనాల్సి వస్తుంది. కానీ, బ్రాండెడ్ కేబుల్ కొనాలంటే కొద్దిగా ఖర్చు ఎక్కువ ఉంటుంది. కాబట్టి చాలామంది చవకైన కేబుల్స్ కొంటుంటారు. దానివల్ల చాలా సమస్యలు వస్తాయి. ఈ మధ్యకాలంలో అయితే కొన్ని స్మార్ట్ఫోన్లు ఇలాంటి కేబుల్స్కి స్పందించకుండా సేఫ్గానే ఉంటున్నాయి. కానీ, పాత స్మార్ట్ఫోన్లు, ఇతర డివైజ్లకు మాత్రం వీటి నుంచి ఎలాంటి సేఫ్టీ లేదు. ఈ కేబుల్స్ వాడటం వల్ల డివైజ్లు పాడయ్యే ప్రమాదం ఉంది. ఎందుకంటే ఇవి డివైజ్లలోని బ్యాటరీ లైఫ్ని తినేస్తాయి.
డివైజ్లలోని బ్యాటరీలు లిమిటేషన్స్, కెపాసిటీని బట్టి పనిచేస్తాయి. కానీ, చవక కేబుల్స్ డివైజ్కి అవసరమైన దానికన్నా ఎక్కువ లేదా తక్కువ ఎనర్జీ అందిస్తాయి. దీంతో బ్యాటరీ లైఫ్ పోతుంది. అలాంటప్పుడే కరెంట్ షాక్లు కూడా కొడుతుంటాయి. దీనివల్ల వచ్చే షాక్ పెద్దవాళ్లకు ఏం కాకపోయినా, చిన్నపిల్లలకు మాత్రం ప్రాణాంతకం. ఇక కేబుల్స్కి టేప్లు వేసి మరీ వాడడం మరీ ప్రమాదకరం. ఇలాంటి కేబుల్స్ వల్ల షార్ట్ సర్క్యూట్ అయిన ఘటనలు కూడా ఉన్నాయి. అందుకని ధర ఎక్కువ అయినా నాసిరకం ఛార్జింగ్ కేబుల్స్ క్వాలిటీగా ఉండేవి వాడాలి.
