- ఆసిఫాబాద్ జిల్లా తక్కలపల్లిలో ఘటన
ఆసిఫాబాద్, వెలుగు: భర్తకు పురుగుల మందు తాగించి భార్య చంపేసిన ఘటన ఆసిఫాబాద్జిల్లాలో జరిగింది. స్థానికులు తెలిపిన ప్రకారం.. రెబ్బెన మండలం తక్కలపల్లి గ్రామానికి చెందిన పుప్పాల సతీశ్(30), రజిత దంపతులు. కాగా.. భర్త రోజూ మద్యం తాగొచ్చి భార్యను వేధిస్తున్నాడు. గురువారం రాత్రి సతీశ్ మద్యం తాగి అదే గ్రామంలోని అమ్మమ్మ ఇంటికి వెళ్లి పడుకున్నాడు. అక్కడికి వెళ్లిన రజిత.. పురుగుల మందు గ్లాసులో పోసి భర్తకు తాగించింది. అదే గ్రామానికి చెందిన గాజుల సందీప్ చూసి సతీశ్కుటుంబ సభ్యులకు సమాచారం అందించాడు. వెంటనే వెళ్లి చూడగా సతీశ్ నురగలు కక్కుతూ మంచంపై పడుకుని కనిపించాడు. ఆ తర్వాత కొద్దిసేపటికే చనిపోయాడు. సతీశ్ తల్లి అమృత ఫిర్యాదుతో కేసు నమోదు చేసి దర్యాప్తు చేస్తున్నట్టు రెబ్బెన ఎస్ఐ చంద్రశేఖర్ తెలిపారు.
