యాదాద్రి, వెలుగు : భువనగిరి డివిజన్ మీదుగా వెళ్తున్న ట్రిపుల్ఆర్ అలైన్మెంట్ను మార్పించడానికి చర్యలు తీసుకుంటానని కేంద్రమంత్రి అనురాగ్ ఠాకూర్ ప్రకటించారు. యాదాద్రి జిల్లా భువనగిరి అభ్యర్థి గూడూరు నారాయణ రెడ్డికి మద్దతుగా శుక్రవారం నిర్వహించిన రోడ్ షోలో మంత్రి అనురాగ్ ఠాకూర్ పాల్గొన్నారు. ఈ సందర్భంగా ట్రిపుల్ ఆర్ అలైన్మెంట్ కారణంగా రైతులు నష్టపోతున్న విషయాన్ని నారాయణ రెడ్డి మంత్రి దృష్టికి తేగా పై విధంగా స్పందించారు.
కేసీఆర్ గీసిన కాళేశ్వరం డిజైన్ కారణంగా ప్రాజెక్ట్ ఫెయిలైందన్నారు. మేడిగడ్డ కుంగిన విషయాన్ని ప్రస్తావించారు. పదేండ్లలో కేసీఆర్కుటుంబం మాత్రమే బాగుపడిందన్నారు. అసెంబ్లీ ఎన్నికల్లో బీజేపీ గెలుస్తుందని, ఇచ్చిన హామీ ప్రకారం బీసీ వర్గాలకు చెందిన వారిని ముఖ్యమంత్రి చేస్తామని ప్రకటించారు.
