చంద్రుడిపై ఇప్పుడు భారత్ కు చెందిన ప్రజ్ఞాన్ రోవర్, చైనాకు చెందిన యుటు 2 రోవర్ పోటీ పడుతున్నాయి. పరిశోధనలో దూసుకుపోతున్నాయి. 6 రోజుల క్రితం చంద్రునిపై కాలుమోపిన ప్రజ్ఞాన్ రోవర్ బుడి బుడి అడుగులు వేస్తూ.. తన పరిశోధనలను విజయవంతంగా పూర్తి చేస్తోంది. ప్రస్తుత స్థానానికి 8 మీటర్లు వరకు వెళ్తున్న ఈ రోవర్ ఇప్పటికే చంద్రుని ఉపరితలంపై ఉష్ణోగ్రత సమాచారాన్ని ఇస్రోకు చేరవేసింది. అంతేకాదు మరిన్ని పరిశోధనలకు అన్వేషిస్తోంది. ఇదిలా ఉంటే.. 2018లో చంద్రునిపైకి చైనా పంపించిన చాంగ్ 4 మిషన్ ద్వారా Yutu 2 రోవర్ అప్పటినుంచి పరిశోధనలు చేస్తోంది. ప్రస్తుతం ఈ రెండు రోవర్లు చంద్రుడి ఉపరితలంపై క్రియాశీలకంగా పనిచేస్తున్నాయి.
అయితే చంద్రుని ఉపరితల పరిశోధనలు చేస్తున్న ఈ రెండు దేశాలకు చెందిన రోవర్లు.. ఒకదానికొకటి ఎంత దూరంలో ఉన్నాయి.. Yutu 2 రోవర్ పనితీరు ఎలా ఉంది అనే అంశాలపై చైనా కీలక విషయాలు వెల్లడింది. పౌర్ణమి సందర్భంగా రాత్రి సమయంలో ఉష్ణోగ్రతలు మైనస్ 170 డిగ్రీలు తక్కువ ఉన్నట్లు Yutu 2 రోవర్ తెలిపిందని చైనా వెల్లడించింది.
2019 జనవరి 3న Chang'e-4 దక్షిణ ధ్రువం -ఐట్కిన్ బేసిన్‌లోని వాన్ కర్మన్ క్రేటర్‌లో దిగింది. ఇది చంద్రునికి చాలా వైపున నియంత్రిత ల్యాండింగ్ చేసిన మొదటి అంతరిక్ష నౌకగా నిలిచింది. నేషనల్ ఏరోనాటిక్స్ అండ్ స్పేస్ అడ్మినిస్ట్రేషన్ (NASA) ప్రకారం ల్యాండింగ్ కో ఆర్డినేట్లు 45.4561 S అక్షాంశం, 177.5885 E రేఖాంశం అని పేర్కొంది.
విక్రమ్ ల్యాండర్ కోసం చంద్రయాన్ 3 ప్లాన్ చేసిన ల్యాండింగ్ సైట్ 69.367621 S, 32.348126 E , భారత అంతరిక్ష పరిశోధనా సంస్థ (ఇస్రో) అది అనుకున్న ప్రాంతంలో బాగా ల్యాండ్ అయిందని తెలిపింది. అయితే రోవర్ల మధ్య దూరం దాదాపు1,948 కి.మీ. ఉంటుందని హైదరాబాద్‌లోని ఎక్స్‌డిఎల్‌ఐఎన్‌ఎక్స్ ల్యాబ్‌ల కోసం పనిచేస్తున్న మాజీ నాసా శాస్త్రవేత్త సయ్యద్ అహ్మద్ చెప్పారు.
మరో అంతరిక్ష నిపుణుడు, షణ్ముగ సుబ్రమణియన్ చంద్రునిపై 2 క్రియాశీల రోవర్ల మధ్య దూరాన్ని సుమారు 1,891 కి.మీ (± 5 కి.మీల వైవిధ్యంతో) లెక్కించారు, చంద్రునిపై వరుసగా రెండు రోవర్‌లను తీసుకురావడం ఇదే మొదటిసారి కావచ్చు షణ్ముగ సుబ్రమణియన్ అన్నారు.
