న్యూఢిల్లీ: ఐటీ సేవల కంపెనీ విప్రో గత డిసెంబరుతో ముగిసిన మూడో క్వార్టర్ ఫలితాలను శుక్రవారం ప్రకటించింది. ఈసారి నికరలాభం ఏడాది లెక్కన 24.4 శాతం పెరిగి రూ.3,354 కోట్లకు చేరింది. ఈ బెంగళూరు కంపెనీకి రూ.22,319 కోట్ల రెవెన్యూ వచ్చింది.
అయితే రాబోయే క్వార్టర్ రెవెన్యూ రూ. 22,5301 కోట్ల వరకు రావొచ్చని విప్రో తెలిపింది. మూడో క్వార్టర్ రెవెన్యూతో పోలిస్తే ఇది కొంచెం ఎక్కువ. ప్రతి షేరుకు రూ.ఆరు చొప్పున కంపెనీ ఇంటెరిమ్డివిడెండ్ ప్రకటించింది. డిసెంబరు క్వార్టర్లో బిలియన్ డాలర్ల విలువైన 17 భారీ డీల్స్ను పూర్తి చేసినట్టు విప్రో ప్రకటించింది.
