ఏడికెళ్లినా జేబులకెళ్లి పైసలు తీసి ఇచ్చుడు లేదు. సెల్ఫోన్తో క్యూఆర్ కోడ్ స్కాన్ చేస్తున్నరు. మనసులో గుబులైనా, ఒంట్లో కొంచెం సుస్తీ చేసినా డాక్టర్లే ఆన్లైన్లోకొచ్చి ట్రీట్మెంట్ చెప్తున్నరు. ఆరాంసే టీవీ చూస్తూ ఒక్క క్లిక్తో మెడిసెన్స్ కూడా కొంటున్నరు. ఒక్క సబ్ స్క్రిప్షన్తో ఇంటిల్లపాది కొత్తకొత్త సిన్మాల్ని ఎంజాయ్ జేస్తున్నరు.. బడికి పోయే పనిలేకుండా టీచర్లే స్మార్ట్ఫోన్లోకి దూరి పాఠాలు చెప్తున్నరు. కూరగాయల నుంచి ఇంటికి కావాల్సిన సరుకులన్నీ ఆన్లైన్లోనే కొంటున్నరు. ఇన్ని మార్పులకీ కారణం కరోనానే.. టోటల్ లైఫ్ స్టయిల్నే ఆన్లైన్ చేసిందీ కరోనా వైరస్.
షాపింగ్, పేమెంట్సే కాదు పెళ్లిళ్లు , ఫిట్నెస్ ట్రైనింగ్లు ఇలా ఒక్కటేంటి కరోనా దెబ్బకి అన్నీ ఆన్లైన్ అయ్యాయి. బిగ్ బాస్కెట్, జియో మార్ట్ లాంటి ఆన్లైన్ డెలివరీ సంస్థలు ఓ ట్రెండ్గా మారాయి. ఈ సంవత్సరం అమెజాన్ సేల్స్ టాప్కి చేరుకున్నాయి. ఓటీటీ ఫ్లాట్ ఫామ్స్ జోరు పెరిగింది. మొత్తానికి అంతా ఆన్లైన్ యుగం అయిపోయింది. కరోనా వల్ల వచ్చిన ఆ ఆన్లైన్ మార్పుల గురించే ఈ స్పెషల్ స్టోరీ.. వాటివల్ల లాభాలతో పాటు నష్టాలేంటో చూద్దాం.
కరోనా వల్ల పేరున్న కంపెనీలన్నీ నష్టాల్లో కూరుకుపోయాయి. కానీ, అప్పటివరకు పెద్దగా మార్కెట్లేని బిగ్ బాస్కెట్ లాంటి ఆన్లైన్ స్టోర్స్ మాత్రం లాభపడ్డాయి. 2011 నుంచి బిగ్బాస్కెట్ సేవలు మన దగ్గర అందుబాటులో ఉన్నాయి. అయితే కళ్ల ముందే కావాల్సినవన్నీ ఉంటే ఆర్డర్ పెట్టుకోవడం ఏంటని ఆశ్చర్యపోయారు అందరూ. కానీ, కరోనా మనదేశంలో అడుగుపెట్టాక బయటికెళ్లి కూరగాయలు, సరుకులు కొనే పరిస్థితి లేకపోవడంతో బిగ్బాస్కెట్ సేల్స్ విపరీతంగా పెరిగాయి. మార్కెట్లో పెద్దగా పోటీ కూడా లేకపోవడంతో చేతినిండా లాభాలొచ్చాయి. మార్కెట్లో గ్రోసరీస్ ఆన్లైన్ డెలివరీకి ఉన్న క్రేజ్ చూసి బిగ్ బాస్కెట్కి పోటీగా మేలో రిలయన్స్ గ్రూప్ ‘జియో మార్ట్ ’కూడా లాంచ్ చేసింది. తక్కువ టైంలోనే మిలియన్ డౌన్లోడ్స్ సాధించిందీ ఈ ఆన్లైన్ స్టోర్. ఈ ఆన్లైన్ స్టోర్లు లాభపడ్డాయి కానీ, లోకల్ మార్కెట్‌ని మాత్రం తొక్కిపడేశాయి.
మార్కెట్ తెలియక
బిజినెస్కి స్కోప్ ఉన్న ఏరియాల్లో రెంట్ భారీగా చెల్లించాల్సి ఉంటుంది. పైగా బిజినెస్కి తగ్గట్టు వర్కర్స్ని కూడా రిక్రూట్ చేసుకోవాలి. గంటలు గంటలు స్టోర్లో కూర్చొని కస్టమర్స్ని , సేల్స్ని గమనిస్తుండాలి. కానీ, ఆన్లైన్ స్టోర్లో ఈ తంటాలేం అవసరం లేదు. సేల్ అయిన వస్తువు ధరని బట్టి ఆన్లైన్ స్టోర్స్కి కమీషన్ ఇస్తే చాలు. పైగా ఇంట్లో కూర్చొనే పెద్ద మొత్తంలో సంపాదించొచ్చు. ఈ లాభాలన్నింటిని గమనించి తమ వ్యాపారాలకి ఆన్లైన్ని వేదికగా చేసుకుంటున్నాయి చాలా కంపెనీలు. మరీ ముఖ్యంగా ఈ లాక్డౌన్ టైంలో ఆన్లైన్ కల్చర్ పెరగడంతో చాలా కంపెనీల చూపు ఆన్లైన్ ఫ్లాట్ ఫామ్స్పై పడింది. కానీ, అమెజాన్, బిగ్ బాస్కెట్ లాంటి పెద్ద పెద్ద నెట్ వర్క్లతో టై అప్ అవ్వలేని చిన్నాచితకా వీధి వ్యాపారాలు మాత్రం చాలావరకు మూతబడ్డాయి. తట్టాబుట్టా సర్దుకుని సొంతూళ్లకి వెళ్లిన వ్యాపారులు కూడా ఉన్నారు..
ఫ్యూచర్ ఇదే
ఐదేళ్ల క్రితం వరకు ఆన్లైన్ షాపింగ్ అంటే అప్పుడప్పుడు మాత్రమే చేసేవాళ్లు. కానీ, ఇప్పుడు ఉప్పులు.. పప్పులు కూడా ఆన్లైన్లోనే కొంటున్నరు. దాంతో ఆన్లైన్ ఫ్లాట్ఫామ్స్ అతి పెద్ద బిజినెస్ మార్కెట్స్గా మారాయి. వీటి ద్వారా లక్షల కోట్ల బిజినెస్ సాగుతోంది ఇప్పుడు. ఫ్యూచర్లో ఈ బిజినెస్ మార్కెట్ రెట్టింపు అవడం ఖాయం. అందుకే రానున్న కంపెనీలు ఆన్లైన్ మార్కెట్పైనే దృష్టిపెట్టాలి. లేదంటే నష్టాలు చవిచూడక తప్పదంటున్నారు బిజినెస్ ఎక్స్పర్ట్స్.. కానీ,ఆన్లైన్ మార్కెట్ మరింత పెరిగితే లోకల్ వ్యాపారులకు ఇబ్బందులు తప్పవనేది ఇంకొందరి వాదన.
ఎందుకింత క్రేజ్
ఆన్లైన్ సేల్స్ రోజురోజుకి పెరగడానికి వాళ్ల మార్కెటింగ్ టెక్నిక్స్ కూడా ఒక కారణమే. లోకల్ మార్కెట్లో వందకి దొరికే వస్తువు డిస్కౌంట్, క్యాష్ బ్యాక్ లాంటి ఆఫర్లతో 60 నుంచి 70 రూపాయలకే వస్తోంది ఆన్లైన్లో పండుగల టైంలో వన్ ప్లస్ వన్ ఆఫర్లు, ధమాకా సేల్స్ ఉండనే ఉన్నాయి. దాంతో వర్చువల్ షాపింగ్కే ఎక్కువగా మొగ్గుచూపుతున్నారు జనాలు. ఒకప్పటితో పోల్చితే ఆన్లైన్ ప్రొడక్ట్స్ క్వాలిటీ కూడా బాగా పెరిగింది. ఒకవేళ ప్రొడక్ట్ నచ్చకపోయినా రిటర్న్ ఆప్షన్ ఉంది. దాంతో ఆన్లైన్ షాపింగ్ పై డిపెండ్ అయ్యే వాళ్ల సంఖ్య ఎక్కువ అవుతోంది. మరీ ముఖ్యంగా ఈ కోవిడ్ టైంలో బయట షాపింగ్కెళ్లి షాపింగ్ చేసే సిచ్యుయేషన్స్ లేకపోవడంతో ఆన్లైన్ సేల్స్ విపరీతంగా పెరిగాయి. మొదట వేరే ఛాయిస్లేకే ఆన్లైన్ షాపింగ్ స్టార్ట్ చేసినా ఆఫర్లు, కలెక్షన్స్ చూసి చాలామంది ఇష్టంగానే కొనేస్తున్నరు.
ఏం కొంటున్నరు
గ్రోసరీస్ తర్వాత ఆన్లైన్ షాపింగ్లో ఎక్కువగా మొబైల్స్, ఎలక్ట్రానిక్ వస్తువులు, బట్టలు, బ్రాండెడ్ షూస్, జువెలరీ, పర్ఫ్యూమ్స్, కెమెరాలు, వాషింగ్ మెషీన్లు, ఫ్రిజ్ వంటివి వస్తువులు ఎక్కువగా కొంటున్నారు. వీటిలో ప్రధానంగా మొబైల్స్, ఎలక్ట్రానిక్ గాడ్జెట్లను ఎక్కువగా కొనుగోలు చేస్తున్నారు. బయట షాపులలో ధరలకంటే ఆన్లైన్లోనే ధరలు తక్కువగా ఉండటం, ఫీచర్స్ కూడా బాగుండటంతో ఆన్లైన్లోనే షాపింగ్ చేస్తున్నామంటున్నారు చాలామంది. కానీ, ఆన్లైన్ అవగాహన లేని వాళ్లు, ఆర్థికంగా కాస్త వెనకబడ్డ వాళ్లు మాత్రం ఈ వర్చువల్ షాపింగ్కి దూరంగానే ఉంటున్నారు..
వర్చువల్ కన్సల్టెన్సీ
కరోనా వల్ల వచ్చిన అతి పెద్ద మార్పుల్లో వర్చువల్ డాక్టర్ కన్సల్టెన్సీ ఒకటి. జలుబు, జ్వరం, దగ్గు, తలనొప్పి ఇలా సమస్య ఏదైనా సరే డాక్టర్ దగ్గరికి వెళ్లాల్సిందే ఒకప్పుడు. కానీ, ఇప్పుడు పదేపదే హాస్పిటల్స్కి వెళ్లే పరిస్థితి లేదు. కోవిడ్ కారణంగా చాలా హాస్పిటల్స్ జనరల్ అపాయింట్మెంట్స్ క్యాన్సిల్ చేశాయి. ఆన్లైన్ ద్వారా పేషెంట్స్కి ట్రీట్మెంట్ చేస్తున్నాయి. దాంతో కూర్చున్న చోటు నుంచి కదలకుండా డాక్టర్ సలహా మేరకు అవరమైన టెస్ట్లు కూడా ఇంటినుంచే చేయించుకుంటున్నారు పేషెంట్స్. మందులు కూడా ఆన్లైన్ ద్వారా హోం డెలివరీ చేయించుకుంటున్నారు. కానీ, హ్యూమన్ టచ్ లేకుండా ట్రీట్మెంట్ అంటే ఇబ్బందిగా ఉందంటున్నారు డాక్టర్లు, పేషెంట్స్.. పేషెంట్ని చూడంగనే సగం సమస్య తెలిసిపోతుంది డాక్టర్స్కి. డాక్టర్ నాడి పడితే పేషెంట్కి కూడా ఏం కాదన్న ధైర్యం వస్తుంది. కానీ, ఈ వర్చువల్ కన్సల్టెన్సీలో అది సాధ్యం కాదు. పేషెంట్ సమస్య విని మందులు రాయడమే తప్ప సమస్య మూలాల్ని గుర్తించలేరు డాక్టర్లు. అసలు హ్యుమన్ టచ్ లేకుండా పేషెంట్కి ట్రీట్మెంట్ ఇవ్వడం ఒకింత కష్టమే అంటున్నారు డాక్టర్లు.
ఫోన్ పే కరో..
సిటీలో ఏ టీ కొట్టుకెళ్లినా, ఏ మూల టిఫిన్ సెంటర్కి వెళ్లినా ముందు అడిగే క్వశ్చన్ ‘ఫోన్ పే, గూగుల్ పే ఉందా’ అని. డిజిటల్ పేమెంట్స్ ఆప్షన్స్ వచ్చాక ఐదు పదికి మించి డబ్బులు క్యారీ చేయట్లేదు. దాంతో డిజిటల్ ట్రాన్సాక్షన్స్ ఉన్న చోటికే వెళ్తున్నారు కస్టమర్లు. అయితే, పెద్దగా ఆన్లైన్ నాలెడ్జ్ లేని వాళ్లు, ఆ ప్రాసెస్ తెలియని వాళ్లు మాత్రం ఎక్కడికెళ్లినా క్యాష్తోనే లావాదేవీలు నడుపుతున్నారు. కానీ, కరోనా వైరస్ ఎప్పుడెలా దాడిచేస్తుందో ఊహించలేం. డబ్బులు కూడా వైరస్ని అంటించొచ్చు. అందుకే డిజిటల్ పేమెంట్స్కి డిమాండ్ పెరిగింది. కానీ, ఈ మార్పు అందిరికీ అలవాటు అవ్వాలంటే కష్టమే…
అందరూ వాడట్లే
డిజిటల్ పేమెంట్స్ చేయాలంటే స్మార్ట్ ఫోన్ కంపల్సరీ.. ఆన్లైన్లో డాక్టర్ కన్సల్టెన్సీ తీసుకోవాలన్నా ఫోన్లో అపాయింట్మెంట్ బుక్ చేసుకోవాల్సిందే. ఇక ఆన్లైన్ షాపింగ్ అంటే ఆర్టర్ ఎలా పెట్టాలి, అమౌంట్ ఎలా పే చేయాలో పక్కాగా తెలిసి ఉండాలి. ఇక సినిమాలంటే ఓటీటీ ఫ్లాట్ ఫామ్స్ సబ్స్ర్కిప్షన్ కావాల్సిందే. వీటన్నింటికీ ఆన్లైన్పై అవగాహనతో పాటు స్మార్ట్ ఫోన్ కొనేంత స్తోమత కూడా ఉండాలి. నెలనెలా డేటా ప్యాక్లు వేయించాలి. దాంతో కొందరు ఈ మార్పులకి దూరంగానే ఉంటున్నారు..కొందరు వీధి వ్యాపారులు డైరక్ట్ లావాదేవీలకే ఆసక్తి చూపిస్తున్నా.. కస్టమర్స్ డిజిటల్ పేమెంట్స్కి అలవాటు పడడంతో బిజినెస్ దెబ్బతింటుంది.
కామన్ మ్యాన్ వాయిసేంటి?
కరోనా నుంచి బయటపడ్డా ఈ ఆన్లైన్ యుగం నుంచి అంత త్వరగా అడుగు బయటికెయ్యలేం. భవిష్యత్తులో మరిన్ని కొత్త మార్పులొచ్చే అవకాశాలు లేకపోలేదు. ఓటీటీలు అతి పెద్ద బిజినెస్ ఫ్లాట్ ఫాంగా మారొచ్చు.. ఆన్లైన్ షాపింగ్ హవా మరింత క్రేజీగా మారొచ్చు. ఆన్లైన్ చదువులూ, డిజిటల్ పేమెంట్లకు కూడా డిమాండ్ పెరగొచ్చు. మరి వీటన్నిటి మధ్య మిడిల్ క్లాస్ మనుషులు ఫ్యూచరేంటనేదే అసలు ప్రశ్న. ఆ ప్రశ్ననే కొందరు వీధి వ్యాపారుల్ని, ఉద్యోగుల్ని, హౌస్ వైఫ్స్ని అడిగితే ఒక్కొక్కరూ ఒక్కోలా జవాబిచ్చారు. కొందరు వర్చువల్ వరల్డ్ భలే ఉందంటూ మెచ్చుకుంటే.. మరికొందరు మాత్రం వీటిల్లోని లోటుపాట్లని చెప్పుకొచ్చారు.– ఆవుల యమున
మోనోపొలీ పెరుగుతోంది
గల్లీకో పది ఇరవై కూరగాయలు బండ్లు ఉన్నాయి సిటీలో. ఇక క్లాత్, ఎలక్ట్రానిక్ స్టోర్లకైతే లెక్కేలేదు. అయితే ఆన్లైన్ మార్కెట్ పెరిగితే డిమాండ్కి తగ్గట్టు ఉత్పిత్తిదారులు ఈ లోకల్ మార్కెట్స్ని పక్కనపెట్టి ఆన్లైన్ స్టోర్స్తోనే బిజినెస్ చేస్తారు. ఉత్పత్తి దారులు డైరక్ట్గా తమ వస్తువుల్ని ఆన్లైన్ ద్వారా సేల్ చేయడం వల్ల ఆ పర్టిక్యూలర్ బ్రాండ్ వస్తువు లోకల్ మార్కెట్స్లో కనిపించదు. దాంతో ఇష్టమున్నా లేకున్నా ఆన్లైన్లోనే కొనుగోలు చేయాల్సి వస్తోంది . దీనివల్ల ఫ్యూచర్లో ఈ ఆన్లైన్ స్టోర్స్లో మోనోపొలీ విపరీతంగా పెరిగే అవకాశం ఉంది. అది వీధి వ్యాపారులకు ఒకింత నష్టమే.
ఆన్లైన్ చదువులొచ్చినయ్
బట్టలు, సరుకులే అనుకుంటే కరోనా వల్ల పిల్లల చదువులు కూడా ఆన్లైన్ అయ్యాయి. ప్రైవేట్ స్కూల్స్ ఫోన్ స్క్రీన్నే బ్లాక్ బోర్డ్గా మార్చేశాయి. అప్పు చేసి మరీ పిల్లల కోసం స్మార్ట్ ఫోన్లు కొనే పరిస్థితులు తీసుకొచ్చాయి కొన్ని ఎడ్యుకేషన్ ఇన్‌స్టిట్యూట్స్. ల్యాప్టాప్, ఫోన్ లాంటి సౌకర్యాలు లేని వాళ్లకోసం దూరదర్శన్లోనూ పాఠాలు మొదలయ్యాయి. కానీ, ఈ చదువులు పిల్లల భవిష్యత్తుకి ఏ మేర ఉపయోగపడతాయనేది సందేహమే అంటున్నారు చాలామంది టీచర్లు.. క్లాస్ రూంలో పిల్లలతో డైరెక్ట్ ఇంటరాక్షన్ ఉంటుంది టీచర్స్కి. పిల్లల దృష్టి కాస్త మళ్లినా వెంటనే గమనించొచ్చు. కానీ, ఈ సెల్ఫోన్ చదువుల్లో అసలు వాళ్లు క్లాస్ వింటున్నారో లేదో కూడా అర్థం కాదు. ఒకవేళ విన్నా ఈ వర్చువల్ క్లాస్లు ఎంతమేర వాళ్ల బుర్రకి ఎక్కుతున్నాయో తెలీదు. పైగా స్కూల్ వాతావరణానికి దూరంగా ఎక్కువ కాలం ఆన్లైన్లో పాఠాలు సాగితే ఆ ప్రభావం పిల్లల మానసిక వికాసంపైనా పడే అవకాశం ఉందంటున్నారు టీచర్స్.
కంఫర్ట్ ముఖ్యం
బయట షాప్స్లో దొరకని లేటెస్ట్ కలెక్షన్స్ , మ్యాచింగ్ జువెలరీ కూడా ఆన్లైన్లో ఉంటాయి. అలాగే నచ్చిన వస్తువుని సేవ్ చేసుకునే ఆప్షన్ కూడా ఉంది. ధరను కూడా నాలుగైదు వెబ్సైట్స్లో చెక్ చేసుకుని కొనొచ్చు. అందుకే ఆన్లైన్లోనే ఎక్కువగా షాపింగ్ చేస్తుంటా..పైగా ఎప్పుడూ ఆఫర్స్ ఉంటాయి ఆన్లైన్లో. నిర్ణీత సమయాల్లో బుక్ చేస్తే భారీ తగ్గింపు ధరలు, వన్ ప్లస్ వన్ ఆఫర్లు, ధమాకా సేల్స్కూడా ఉంటాయి. ఇన్ని ఆప్షన్స్ ఉన్నప్పుడు షాప్స్ చుట్టూ తిరగాల్సిన అవసరం లేదు. మరీ ముఖ్యంగా ఇప్పుడున్న పరిస్థితుల్లో అంత రిస్క్ ఎందుకు?. అందుకే నన్ను అడిగితే ఆన్లైన్ షాపింగ్ బెస్ట్ ఆప్షన్. -వైష్ణవి, ప్రైవేట్ ఎంప్లాయ్
మునుపటిలా సాగట్లేదు..
నా పిల్లల చదువులకి, ఇంటి అవసరాలన్నింటికీ ఈ బండే ఆధారం. చాలా ఏళ్ల నుంచి ఇక్కడే వ్యాపారం చేస్తుండటంతో ఇరుగుపొరుగు వాళ్లు తరచూ నా దగ్గరే కూరగాయలు తీసుకుంటరు. కానీ, కరోనా భయంతో ఇప్పుడు వాళ్లంతా ఆన్లైన్లోనే కూరలు కొంటున్నరు. ఇద్దరు ముగ్గురు రెగ్యులర్ కస్టమర్స్ మాత్రం నన్నే ఇంటికే పిలిపించుకుంటున్నరు. కానీ, ఆ డబ్బు ఖర్చుల మందం కూడా రావట్లేదు. బండి దగ్గరకి కస్టమర్స్ వచ్చినా ఫోన్ పే, గూగుల్ పే ఉందా అని అడుగుతున్నరు. లేదంటే డబ్బుల్లే వంటూ వెనక్కెళ్లిపోతున్నరు. మామూలు నోటి లెక్కలు వరకు నేను చేసుకోగలను ఫోన్లో డబ్బులు పంపుడు మాత్రం తెలీదు..కానీ, కస్టమర్స్ వెనక్కెళ్లిపోతుంటే మనసు ఊరు కోదు. దాంతో మా ఆయనకి కాల్ చేసి మాట్లా డించి ఆయన ఫోన్కి డబ్బులు పంపించమంటా. ఒక్కొసారి ఆయన టైంకి ఫోన్ లిఫ్ట్ చెయ్యక పోతే గిరాకీ పోగొట్టు కున్నట్టే. అయినా ఇరవై ముప్పై రూపాయలకి కూడా ఫోన్ పే, గూగుల్ పేలు ఎందుకు? అదీకాక ఆన్లైన్లోనే కూరగాయలు, సరుకులు కొంటుంటే నాలాంటి వీధి వ్యాపారుల పరిస్థితేంటి? -రూప, కూరగాయల వ్యాపారి, ఎమ్మెల్యే కాలనీ
ఇదే పెద్ద మార్పు
ఇద్దరు పిల్లలున్న ఒక మిడిల్ క్లాస్ ఫ్యామిలీ సినిమా కెళ్లాలంటే టికెట్లకి ఆరు వందల నుంచి ఎనిమిది వందలు ఖర్చు అవుతుంది. పాప్కార్న్, కూల్డ్రింక్స్ ఖర్చులు కూడా కలిపితే వెయ్యి దాటుతుంది. అదే సినిమా ఓటీటీలో రిలీజ్ అయితే సబ్‌స్క్రిప్షన్‌తో ఇంటిల్లపాది సినిమాని ఎంజాయ్ చేయొచ్చు. అది కూడా నచ్చిన టైంలో. నెలకు కొంత సబ్‌స్క్రిప్షన్‌ అమౌంట్ కడితే సరిపోతుంది. అందుకే ఓటీటీలకి ఆదరణ పెరుగుతోంది. వరుసగా ఓటీటీలో సినిమాలు రిలీజ్ అయ్యి హిట్స్ కొడుతున్నయ్. థియేటర్ల ఓపినింగ్పై క్లారిటీ లేకపోవడంతో బడా నిర్మాతలు కూడా తమ సినిమాల్ని ఓటీటీలో రిలీజ్ చేసే ఆలోచనలో పడ్డారు. భవిష్యత్తులో ఓటీటీ ఫ్లాట్ ఫామ్స్ అతి పెద్ద బిజినెస్ మార్కెట్గా మారే అవకాశాలు లేకపోలేదు. థియేటర్లకి గట్టి పోటీ కూడా ఇవ్వొచ్చీ ఆన్లైన్ ఫ్లాట్ ఫామ్స్.
ఇదే బెస్ట్
సిటీలో వందల్లో షాపింగ్ మాల్స్, వేలల్లో బొటిక్లున్నాయి. ఇలాంటి పోటీ వాతావరణంలో బిజినెస్ అంటే ఎంతమేర సక్సెస్ అవుతుందో తెలీదు.కలెక్షన్ ఎంత బాగున్నా జనాలు ఆదరిస్తారన్న నమ్మకం లేదు. పైగా మెయింటెనెన్స్కి పెద్ద మొత్తంలో ఖర్చు అవుతుంది. ఇవన్నీ ఆలోచించే చాలామంది ఫ్యాషన్ డిజైనర్లు తమ కలెక్షన్స్ని నేరుగా ఆన్లైన్లోనే రిలీజ్ చేస్తున్నారు. సొంతంగా ఆన్లైన్ ఫ్లాట్ ఫామ్స్ క్రియేట్ చేసుకుని చీరలు, డిజైనర్ దుస్తులు సేల్కి పెడుతున్నారు. బొటిక్ లాంటివి ఏం లేకుండా ఇంట్లోనే దుస్తులు, జువెలరీ డిజైన్ చేసి లక్షల్లో సంపాదిస్తున్న వాళ్లూ ఉన్నారు.
ఆన్లైన్లో మాత్రమే
మొబైల్స్ కొనాలంటే ఆన్లైన్ స్టోర్స్కి మించిన బెస్ట్ ఆప్షన్ మరొకటి లేదు. బయట ధరలతో పోల్చుకుంటే ఆన్లైన్లో మొబైల్స్కి భారీ డిస్కౌంట్స్ ఉంటాయి. షోరూంలో దొరకని లేటెస్ట్ ఫీచర్స్ మొబైల్స్ కూడా ఆన్లైన్లో అందుబాటులో ఉన్నాయి. అందుకే మొబైల్స్ కొచ్చేసరికి ఆన్లైన్కే మొగ్గుచూపుతున్నారు చాలామంది. కస్టమర్స్ ఛాయిస్కి తగ్గట్టే కొన్ని కంపెనీలు కూడా డైరక్ట్ ఆన్లైన్ స్టోర్స్లోనే తమ ప్రొడక్ట్స్ని లాంఛ్ చేస్తున్నారు. లాంచ్ అయిన ఐదుపది నిమిషాల్లోనే ప్రొడక్ట్స్ మొత్తం సేల్ అవుతున్నాయి.
బడులే బాగున్నయ్
ఫోన్ చేతికిచ్చి పాఠాలు వినమంటున్నరు ఇంట్లో. నాకేమో అసలు ఇంట్రెస్ట్ వస్తలే. మధ్యమధ్యలో టీచర్ క్వశ్చన్స్ అడుగుతోంది. చెప్పకపోతే పనిష్మెంట్గా హోం వర్క్ ఇస్తోంది. నాకు అవేం నచ్చట్లే. స్కూల్కి పోవాలనిపిస్తుంది. క్లాస్ రూంలో అందరితో కూర్చొని పాఠాలు వినాలనుంది. గ్రౌండ్లో సరదాగా ఆడుకోవాలని ఉంది. ఫ్రెండ్స్తో ముచ్చట్లు పెట్టాలని ఉంది. కానీ, ఈ ఆన్లైన్ క్లాస్లలో అవేం లేవు.-రిషిత, స్కూల్ స్టూడెంట్
వర్చువల్గా అనిపిస్తుంటుంది
షాప్కెళ్తే పది రకాల కూరగాయలుంటాయి.అది కూడా అందుబాటు ధరలో. పైగా రేటు నచ్చక పోతే బేరమాడే ఆప్షన్ ఉంటుంది. కేవలం కూరగాయల విషయంలోనే కాదు డ్రెస్‌, షూస్, ఎలక్ట్రానిక్ గ్యాడ్జెట్స్ ఏది కొనాలన్నా ఇదే ఫార్మెట్ ఉంటుంది. కానీ ఆన్లైన్ కొచ్చే సరికి క్వాలిటీ చెక్ చేయలేం. డిస్క్రిప్షన్లో రాసిన నాలుగైదు పదాలను ఆధారంగా చేసుకుని ఆర్డర్ పెడితే ఐటమ్ ఎలా వస్తుందో తెలీదు. పైగా లైవ్ షాపింగ్ ఎక్స్పీరియన్స్ రాదు. -చంద్రశేఖర్, స్టూడెంట్.
ఎక్స్పీరియన్స్ బాగుంది
మా పెద్దోడు షూస్, బట్టలు అన్నీ ఆన్లైన్లోనే కొంటడు. అవి చూసినప్పుడు బానే ఉన్నయ్ అనిపిస్తది. అయితే ఇంటికోసం ఏదైనా బుక్ చేసే సాహసం ఎప్పుడూ చేయలే. కానీ, ఈ కరోనా వల్ల బయటికెళ్లే పరిస్థితి లేకపోవడంతో ఈ మధ్య ఆన్లైన్లో సరుకులు కొంటున్నాం. రీసెంట్గా వాషింగ్ మెషీన్‌ కూడా ఆన్లైన్లోనే బుక్ చేశాం. ‘అన్ని వేలు పెట్టి కొంటున్నం’ ఏమైనా అయితే? అని మొదట చాలా కంగారుపడ్డాం. కానీ, ప్రొడక్ట్ చూస్తే బానే అనిపించింది. భవిష్యత్తులో కూడా ఆన్లైన్ షాపింగ్ చేస్తాం.-నాగిరెడ్డి, రైతు, ఖమ్మం.
