గద్వాల, వెలుగు: పాత పద్ధతిలో లీవ్స్ ఇవ్వాలని డిమాండ్ చేస్తూ టెన్త్ బెటాలియన్ కానిస్టేబుళ్ల భార్యలు గురువారం నేషనల్ హైవేపై ధర్నాకు దిగి బైఠాయించారు. ఈ సందర్భంగా వారు మాట్లాడుతూ.. ఇది వరకు15 రోజులకు ఒకసారి లీవ్స్ ఉండేవన్నారు.
కానీ నవంబర్ 1 నుంచి నెల రోజులకు ఒకసారి లీవ్స్ వచ్చేలా డిపార్ట్మెంట్ వారు మ్యానువల్ రూపొందించారన్నారు. పాత పద్ధతినే లీవ్స్ మంజూరు చేయాలని డిమాండ్ చేస్తూ నిరసన వ్యక్తం చేశారు. పోలీసులు అక్కడికి చేరుకొని రోడ్డుపై బైఠాయించిన వారిని పక్కకు తప్పించి రాకపోకలను పునరుద్ధరించారు.
