ఖమ్మం రూరల్, వెలుగు: పెళ్లి పేరుతో తనను మోసం చేశాడని ఓ మహిళ సెల్ఫీ వీడియో తీసుకొని ఆత్మహత్య చేసుకుంది. పోలీసులు తెలిపిన వివరాల ప్రకారం.. ఖమ్మం నగరం బ్యాంక్కాలనీకి చెందిన శ్రీకల్యాణి ఉరఫ్ కావ్య(32)హోటల్మేనేజమెంట్ పూర్తి చేసి ఓ హోటల్లో పనిచేస్తుంది. నగరంంలోని రమణగుట్ట ప్రాంతానికి చెందిన వేల్పుల అభిలాశ్(24) అనే డ్యాన్స్మాస్టర్ను ప్రేమిస్తున్నానని రెండేండ్ల కింద తండ్రి శ్రీనివాసరావుతో చెప్పగా, తండ్రి అంగీకరించలేదు. కావ్య తండ్రి మాట వినకుండా అభిలాశ్తో సహజీవనం చేస్తోంది. శనివారం ఇద్దరూ కలిసి అభిలాశ్ అమ్మమ్మ ఊరైన ఖమ్మం రూరల్మండలం పొన్నెకల్లు వెళ్లారు.
తాను మరో అమ్మాయిని ప్రేమించి పెళ్లి చేసుకుంటున్నానని, నువ్వు వెళ్లిపోవాలని కావ్యకు చెప్పగా, ఇద్దరి మధ్య వాగ్వాదం జరిగింది. మనస్థాపం చెందిన కావ్య తన చావుకు అభిలాశ్కారణమని, తనను మోసం చేశాడని సెల్ఫీ వీడియో తీసుకొని, ఆత్మహత్య చేసుకుంది. మృతురాలి తండ్రి శ్రీనివాసరావు ఫిర్యాదు మేరకు ఎస్హెచ్వో రాజు కేసు నమోదు చేసి దర్యాప్తు చేస్తున్నట్లు తెలిపారు.
