కూకట్పల్లి : హైదరాబాద్ బాలానగర్ పీఎస్ పరిధిలో హిట్ అండ్ రన్ కేసు నమోదైంది. స్కూటీని లారీ ఢీకొనడంతో మహిళ మృతి చెందింది. బాలానగర్లోని లైఫ్స్పేస్అపార్ట్మెంట్లో ఉండే సంతోషిదేవి జైన్(54) తన కూతురు పూజ, మనవరాలు కుష్బూ(8)తో కలిసి సోమవారం మధ్యాహ్నం స్కూటీపై ఫతేనగర్కు వెళ్తున్నారు. పూజ డ్రైవింగ్ చేస్తుండగా, సంతోషిదేవి వెనక, బాలిక మధ్యలో కూర్చుంది.
బాలానగర్ ఫ్లైఓవర్ పిల్లర్ నంబర్11 వద్ద లారీ ఢీ కొట్టడంతో ముగ్గురూ కిందపడ్డారు. ఆపై లారీ డ్రైవర్ఆపకుండా వెళ్లడంతో టైర్సంతోషిదేవి తలపై నుంచి వెళ్లి స్పాట్లోనే మృతి చెందింది. అదృష్టవశాత్తు తల్లీకూతుర్లు పూజ, కుష్బూకు ఎలాంటి ప్రమాదం జరగలేదు. పోలీసులు కేసు నమోదు చేసి దర్యాప్తు చేస్తున్నారు.
