గండిపేట సీబీఐటీ కాలేజీలో మహిళా ప్రొఫెసర్ను మానసికంగా వేధిస్తున్న ప్రొఫెసర్లను వెంటనే సస్పెండ్‌ చేయాలని ప్రొఫెసర్లు, బోధనేతర సిబ్బంది డిమాండ్ చేశారు. ఈ మేరకు శనివారం కాలేజీలో ఆందోళనకు దిగారు. 23 ఏండ్లుగా కాలేజీలో పనిచేస్తున్న ఓ మహిళా ప్రొఫెసర్ను ఐక్యూఏఆర్‌ డైరెక్టర్లు సుశాంత్‌‌‌‌బాబు, త్రివిక్రమ్‌‌‌‌రావు కొంతకాలంగా వేధిస్తున్నారని ఆరోపించారు.
బాధితురాలు పలుమార్లు హెచ్చరించినా వారి తీరు మారడం లేదని, ఇటీవల వేధింపులు మరింత ఎక్కువయ్యాయని ఆగ్రహం వ్యక్తం చేశారు. ఈ విషయాన్ని ప్రిన్సిపల్‌ నరసింహ దృష్టికి తీసుకెళ్లగా, ఇలాంటి ఘటనలు కాలేజీలో సర్వసాధారణం అన్నారని ఆరోపించారు. తట్టుకోలేక ప్రిన్సిపల్‌ చాంబర్‌ ముందు ఆందోళనకు దిగామని చెప్పారు. న్యాయం చేయాలని డిమాండ్చేశారు. సుశాంత్‌ బాబు, త్రివిక్రమ్‌‌‌‌రావుతోపాటు ఇంగ్లీష్‌ డిపార్ట్‌‌‌‌మెంట్‌ హెచ్‌‌‌‌ఓడీ షాగుప్తా పర్వెన్‌‌‌‌ను వెంటనే సస్పెండ్‌ చేయాలని బోధనేతర యూనియన్‌ అధ్యక్షుడు సంజీవ్‌ డిమాండ్ చేశారు. చట్టపరమైన చర్యలు తీసుకుని తగిన బుద్ధి చెప్పాలని కోరారు.
