కాగజ్ నగర్, వెలుగు: ఎండలు తగ్గి, వర్షాలు పడాలని మహిళలు ఈస్ గాం శివ మల్లన్న స్వామికి నీటి బిందెలతో అభిషేకం చేశారు. గురువారం మహిళలు ఊరి నుంచి బిందెలతో మల్లన్న ఆలయానికి వెళ్లి స్వామివారికి, ఆలయంలోని శీతల మాతకు అభిషేకం చేశారు. రోహిణి ఎండల తీవ్రత ఎక్కువగా ఉండడంతో అల్లాడి పోతున్నామని, వానలు త్వరగా కురిస్తే వాతావరణం చల్లబడి వ్యవసాయం పనులు మొదలు అవుతాయని అన్నారు. మల్లన్న కరుణించి వానలు కురిపించాలని వేడుకున్నారు.
