భద్రాచలం, వెలుగు: చత్తీస్గఢ్లోని మావోయిస్టు పార్టీ పామేడు ఏరియా కమిటీ సభ్యురాలు ఓయెమ్ నందే అలియాస్సమ్మక్క అరెస్ట్ అయ్యారు. భద్రాద్రి జిల్లా దుమ్ముగూడెం మండలం సీతానగరంలో గురువారం సీఆర్పీఎఫ్, స్పెషల్పార్టీ పోలీసులు సంయుక్తంగా వాహన తనిఖీలు చేపట్టారు. బీజాపూర్జిల్లా బాసగూడ పరిధి కొత్తగూడకు చెందిన ఆమె ఆటోలో దమ్ముగూడెం వస్తుండగా పోలీసులు అనుమానించి ఆపి తనిఖీలు చేశారు.
ఆమె వద్ద కరపత్రాలు, విప్లవ సాహిత్యం లభించాయి. వెంటనే అదుపులోకి తీసుకుని కేసు నమోదు చేసి రిమాండ్కోసం జైలుకు తరలించినట్లు భద్రాచలం ఇన్ చార్జ్ డీఎస్పీ రవీందర్రెడ్డి తెలిపారు. ఓయెమ్ నందే 1999లో 16వ ఏటనే మావోయిస్టు పార్టీలో చేరారు. 2002 వరకు బాసగూడ బాలల సంఘం సభ్యురాలిగా, 2002 నుంచి 2018 వరకు పామేడు ఏరియాలో కేఏఎంఎస్( క్రాంతికారి ఆదివాసీ మహిళా సంఘం) దళ సభ్యురాలిగా, 2018 నుంచి ఏరియా కమిటీ అజ్ఞాత దళ సభ్యురాలిగా ఆమె వ్యవహరిస్తున్నట్టు పోలీసులు వెల్లడించారు.
