- యంగ్‌‌స్టర్స్‌‌పై ఫోకస్‌
బెంగళూరు: విమెన్స్‌ ప్రీమియర్‌ లీగ్‌ (డబ్ల్యూపీఎల్‌) రెండో సీజన్‌ నేటి నుంచి మొదలుకానుంది. తొలి పోరులో డిఫెండింగ్‌ చాంపియన్‌ ముంబై ఇండియన్స్‌‌తో, రన్నరప్‌ ఢిల్లీ క్యాపిటల్స్‌ తలపడనుంది. గతేడాది ఫార్మాట్‌‌లోనే ఈసారి కూడా మ్యాచ్‌‌లను నిర్వహించనున్నారు.
దాదాపుగా అన్ని జట్లలో స్వదేశీ, విదేశీ స్టార్‌ ప్లేయర్లు ఉండటంతో మ్యాచ్‌‌లు రసవత్తరంగా సాగనున్నాయి. అయితే అన్ని టీమ్స్‌ కూడా యంగ్‌ ప్లేయర్లపై ఎక్కువగా ఫోకస్‌ చేయనున్నాయి. తొలి సీజన్‌‌లో కప్‌ కొట్టిన ముంబై మరోసారి అదే పెర్ఫామెన్స్‌‌ను రిపీట్‌ చేయాలని భావిస్తుండగా, బెంగళూరు, గుజరాత్‌, ఢిల్లీ, యూపీ కూడా తమ సత్తా చూపేందుకు రెడీ అయ్యాయి.
