- అవసరమైతే రద్దు చేయాలి
- జెడ్పీ మీటింగ్లో ప్రభుత్వ విప్
- బీర్ల అయిలయ్య, ఎమ్మెల్యే కుంభం
యాదాద్రి, వెలుగు: ఎన్నికల్లో లబ్ది పొందడానికి హడావుడిగా సీడీపీ, స్పెషల్ డెవలప్మెంట్ ఫండ్స్ కింద ఇచ్చిన ప్రొసిడింగ్స్పై రివ్యూ చేయాలని ప్రభుత్వ విప్, ఆలేరు ఎమ్మెల్యే బీర్ల అయిలయ్య, భువనగిరి ఎమ్మెల్యే కుంభం అనిల్కుమార్ రెడ్డి సూచించారు. యాదాద్రి జడ్పీ చైర్మన్ ఎలిమినేటి సందీప్రెడ్డి అధ్యక్షతన మంగళవారం జడ్పీ మీటింగ్ నిర్వహించారు.
కులానికో బిల్డింగ్ మంజూరు చేస్తున్నామని చెప్పి ప్రొసిడింగ్స్ అందించారని , శాంక్షన్, ఫండ్స్ లేకున్నా ప్రొసిడింగ్స్ ఇచ్చినట్టయితే రద్దు చేయాలని అన్నారు. గత ప్రభుత్వంలో ఇరిగేషన్, పంచాయతీరాజ్ డిపార్ట్మెంట్లను విభజించడం వల్ల పనులు ముందుకు జరగడం లేదని పలువురు మెంబర్లు తెలిపారు. ఈ రెండు డిపార్ట్మెంట్లను జిల్లా యూనిట్గా విధులు నిర్వహించేలా తీర్మానం చేయాలని సూచించారు.
యాదాద్రిని నెంబర్వన్ చేస్తం- బీర్ల అయిలయ్య
అభివృద్ధిలో యాదాద్రి జిల్లాను నెంబర్వన్గా నిలబెడతామని ప్రభుత్వ విప్ బీర్ల అయిలయ్య తెలిపారు. డెవలప్మెంట్ విషయంలో ఆఫీసర్లు, ప్రజాప్రతినిధులు సమన్వయంగా ముందుకు సాగుదామని సూచించారు. సమస్యలు ఉంటే దృష్టికి తీసుకొని రావాలని కోరారు. భువనగిరి నియోజకవర్గంలో కాలువల పనులు త్వరగా పూర్తి చేయాలని ఎమ్మెల్యే కుంభం అనిల్కుమార్ రెడ్డి తెలిపారు.
ఎలాంటి ఇబ్బందులు కలిగినా తనను సంప్రదించాలని కోరారు. అనంతరం ఎమ్మెల్యేలను మెంబర్లు సన్మానించారు. జడ్పీ మీటింగ్లో కలెక్టర్ హనుమంతు జెండగే, అడిషనల్ కలెక్టర్ జీ వీరారెడ్డి, జెడ్పీ సీఈవో కృష్ణారెడ్డి, కాంగ్రెస్ ఫ్లోర్ లీడర్ డాక్టర్ కే నగేశ్ ఉన్నారు.
