మాదాపూర్, వెలుగు: మాదాపూర్లో నిర్మాణంలో ఉన్న బిల్డింగ్17వ అంతస్తు నుంచి కిందపడి ఒకరు మృతి చెందాడు. కొండాపూర్ అంజయ్యనగర్కు చెందిన ఆలం రాకేశ్(23) మాదాపూర్ లోని వాసవి స్కైలా కన్స్ట్రక్షన్ సైట్ లో సెంట్రింగ్ వర్క్ చేస్తున్నాడు. బుధవారం ఉదయం 10.45 గంటల సమయంలో బిల్డింగ్ 17వ అంతస్తు నుంచి ప్రమాదవశాత్తు కాలుజారి కిందపడ్డాడు. క్షతగాత్రుడిని తోటి కూలీలు, కన్స్ట్రక్షన్ ప్రతినిధులు కొండాపూర్ లోని ఓ ప్రైవేట్ ఆసుపత్రికి తరలించగా, అక్కడ చికిత్స పొందుతూ మృతి చెందినట్లు డాక్టర్లు తెలిపారు. సైట్ కాంట్రాక్టర్ సరైన భద్రతా చర్యలు చేపట్టకపోవడం వల్లే ఈ ప్రమాదం జరిగిందని మృతుడి బంధువు మాదాపూర్ పోలీసులకు ఫిర్యాదు చేశాడు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.
