గండిపేట, వెలుగు: బండ్లగూడ జాగీరులో లీగ్‌ లీడింగ్‌ ది చేంజ్‌ అనే నిర్మాణ సంస్థ చేపడుతున్న భారీ బిల్డింగ్ స్లాబ్ సెంట్రింగ్ కూలి గురువారం ఏడుగురు కార్మికులు తీవ్రంగా గాయపడ్డారు. అక్కడి సిబ్బంది వెంటనే వారిని ఆసుపత్రికి తరలించారు.
ఒక్కసారిగా సెంట్రింగ్ కూలడంతో కార్మికులు దాని కింద ఇరుక్కుపోయారు. అతికష్టం మీద బయటకు తీయాల్సి వచ్చింది. జాగ్రత్తలు చేపట్టకుండా పనులు ఎలా చేస్తారని స్థానికులు మండిపడ్డారు. ఎలాంటి ప్రాణనష్టం జరగకపోవడంతో ఊపిరి పీల్చుకున్నారు.
