- కలెక్టరేట్ ఔట్సోర్సింగ్ కాంట్రాక్టర్పై వర్కర్ల ఫిర్యాదు
- రూ.50వేల చొప్పున ఇచ్చినం.. ఇంకా రూ.30వేలు అడుగుతుండు
- నాలుగు నెలలుగా జీతాలు ఇయ్యట్లేదని ఆవేదన
మంచిర్యాల, వెలుగు: మంచిర్యాల కలెక్టరేట్లో ఔట్సోర్సింగ్ కాంట్రాక్టర్ గుర్రం శ్రీనివాస్రావు తమ దగ్గర పైసలు తీసుకుని పనిలోంచి తొలగించాడని, నాలుగు నెలలుగా జీతాలు ఇవ్వకుండా వేధిస్తున్నాడని వర్కర్లు ఆరోపించారు. గార్డెనింగ్ వర్కర్లు మేరుగు స్వప్న, సురిమిల్ల వర్ణ, మగ్గిడి రజిత, కుంట సౌజన్య, ముక్కె లావణ్య, ఆరె రాజతిరుమల తమకు న్యాయం చేయాలని కోరుతూ సోమవారం జరిగిన గ్రీవెన్స్‌‌‌‌‌‌‌‌లో కాంట్రాక్టర్పై ఫిర్యాదు చేశారు. తాము చాలా రోజుల నుంచి కలెక్టరేట్లో గార్డెనింగ్ పనులు చేస్తున్నామని తెలిపారు.
ఔట్సోర్సింగ్ టెండర్దక్కించుకున్న గుర్రం శ్రీనివాస్ రావు ఆరుగురి దగ్గర రూ.50 వేల చొప్పున తీసుకొని పనిలో పెట్టుకున్నాడని అన్నారు. నెలకు రూ.15 వేల జీతం ఇస్తానని, పీఎఫ్, ఈఎస్ఐ ఉంటుందని చెప్పాడన్నారు. నాలుగు నెలలు గడిచినా జీతాలు ఇవ్వలేదని, జీతాలు రావాలంటే మరో రూ.30వేల చొప్పున ఇవ్వాలని డిమాండ్ చేశాడని ఆరోపించారు.
తాను టెండర్ కోసం కలెక్టరేట్లో ఆఫీసర్లకు పైసలు ఇచ్చానని, ఇక్కడ అందరూ తనవాళ్లేనని, మీరు ఏం చేసుకుంటారో చేసుకోండని బెదిరిస్తున్నాడని ఆవేదన వ్యక్తం చేశారు. దీనిపై ఈ నెల 6న కలెక్టర్కు ఫిర్యాదు చేయడంతో రెండు రోజులు పనిలోకి తీసుకొని మళ్లీ తొలగించాడన్నారు. కలెక్టర్ స్పందించి తమకు న్యాయం చేయాలని వారు కోరారు.
