ఖమ్మంటౌన్/భద్రాచలం/సత్తుపల్లి, వెలుగు : రోడ్డు భద్రతా వారోత్సవాల్లో భాగంగా బుధవారం ఉమ్మడి ఖమ్మం జిల్లాలోని పలు ఆర్టీసీ డిపోల్లో కార్మికులు రక్తదానం చేశారు. ఆర్టీసీ ఎండీ సజ్జనార్ పిలుపు మేరకు ఖమ్మం నగరంలోని ఆర్టీసీ న్యూ బస్టాండ్ లో రీజినల్ మేనేజర్ ఏ.సరిరామ్, సత్తుపల్లిలో డీఎం రాజ్యలక్ష్మి, భద్రాచలం డీఎం తిరుపతిరావు సమక్షంలో శిబిరాలు నిర్వహించారు. పలువురు రక్తదానం చేశారు. రెడ్క్రాస్ సొసైటీ, లయన్స్ క్లబ్ సభ్యులు పాల్గొన్నారు.
మాజీ ఎమ్మెల్యే కందాళ బర్త్డే సందర్భంగా...
కూసుమంచి : తలసేమియా బాధితుల కోసం మాజీ ఎమ్మెల్యే కందాళ ఉపేందర్రెడ్డి బర్త్డే సందర్భంగా బుధవారం ఖమ్మం రూరల్ మండలం సాయిగణేశ్నగర్ లో రక్తదాన శిబిరం నిర్వహించారు. జిల్లా బీఆర్ఎస్ పార్టీ అధ్యక్షుడు, ఎమ్మెల్సీ తాతా మధు, మాజీ ఎమ్మెల్యే సండ్ర వెంకట వీరయ్య శిబిరాన్ని ప్రారంభించారు. మాజీ డీసీసీబీ డైరెక్టర్ ఇంటూరి శేఖర్తో పాటు పలువురు బీఆర్ఎస్ నాయకులు, కార్యకర్తలు సుమారు 100 మంది రక్తదానం చేశారు.
