మంచిర్యాల, వెలుగు: పెండింగ్లో ఉన్న బెనిఫిట్స్ను వెంటనే చెల్లించాలని డిమాండ్చేస్తూ పాత మంచిర్యాలలోని శాలివాహన బయోమాస్పవర్ప్లాంట్ కార్మికులు ఆదివారం ప్లాంట్ ఎదుట ఆందోళన చేపట్టారు. కార్మిక సంఘం అధ్యక్షుడు కుంటాల శంకర్ మాట్లాడుతూ.. పవర్ ప్లాంట్ను నిరుడు డిసెంబర్లో మూసివేయడం వల్ల కార్మికులు ఉపాధిని కోల్పోయారన్నారు. ఏడాది గడుస్తున్నా మూడేండ్లుగా పెండింగ్లో ఉన్న బోనస్లు, వేతనాలు, గ్రాట్యుటీ, ప్లాంట్ క్లోజింగ్ బెనిఫిట్స్ ఇవ్వకుండా కంపెనీ మేనేజ్మెంట్ మొండిగా వ్యవరిస్తోందని ఫైర్ అయ్యారు.
ఈ విషయాన్ని పలుమార్లు కార్మిక శాఖ అధికారుల దృష్టికి, ఎమ్మెల్యే దివాకర్రావు దృష్టికి తీసుకువెళ్లినా ఎలాంటి ప్రయోజనం లేదన్నారు.కార్మికులకు నష్టం జరిగితే కార్మిక శాఖ అధికారులు, యాజమాన్యమే బాధ్యత వహించాలని నాయకుడు చెట్టి శ్రీనివాస్హెచ్చరించారు. ప్రజాప్రతినిధులకు, అధికారులకు చిత్తశుద్ధి ఉంటే తక్షణమే న్యాయం చేయాలన్నారు. నాయకులు ఎన్.సత్యనారాయణ, ఎస్.ఆనందరావు, కె.సుధీర్, రవిశంకర్, ఏ.రాజయ్య, ఎస్.తిరుపతి, కె.బుచ్చయ్య పాల్గొన్నారు.
