ప్రపంచ బ్యాంకు ప్రెసిడెంట్ అజయ్ బంగా
న్యూఢిల్లీ: ప్రపంచమార్కెట్లు మాంద్యంలో ఉన్నప్పుడు పుంజుకోవడానికి ఇండియా చాలా చర్యలు తీసుకుందని ప్రపంచబ్యాంకు ప్రెసిడెంట్అజయ్ బంగా ప్రశంసించారు. కరోనా సమయంలో సవాళ్లను సమర్థంగా ఎదుర్కొందని అన్నారు. ఢిల్లీలో బుధవారం జరిగిన ఒక కార్యక్రమంలో ఆయన మాట్లాడుతూ కరోనా సమయంలో ప్రదర్శించిన చురుకుదనాన్ని ఇక నుంచి కొనసాగించాలని సూచించారు. జీడీపీ గ్రోత్ బాగుందన్నారు. మనదేశంలో అధిక జీతాల ఉద్యోగాల గురించి అడిగిన ప్రశ్నకు బదులిస్తూ ‘‘ టెక్నాలజీ రంగంలో జీతాలు ఎక్కువగా వస్తాయి కానీ జాబ్స్ సంఖ్య తక్కువే. ఇంటర్నేషనల్ కంపెనీలు పాటిస్తున్న చైనా ప్లస్ వ్యూహాన్ని ఇండియా సొమ్ము చేసుకోవాలి. ఈ అవకాశం ఐదేళ్ల కంటే ఎక్కువ ఉండదు”అని అన్నారు. బంగా గత నెల ప్రపంచ బ్యాంకు ప్రెసిడెంట్గా బాధ్యతలు తీసుకున్నారు. ఢిల్లీ పర్యటనలో భాగంగా జీఎంఆర్ వరలక్ష్మీ సెంటర్ ఫర్ ఎంపవర్మెంట్ అండ్ లైవ్లీహుడ్స్కు వెళ్లి అక్కడి స్టూడెంట్లతో మాట్లాడారు.
