పంజాగుట్ట, వెలుగు: వరల్డ్క్యాన్సర్డే సందర్భంగా మంగళవారం ‘యునైటెడ్ బై యూనిక్’ థీమ్తో పంజాగుట్ట నిమ్స్ హాస్పిటల్ లో క్యాన్సర్అవగాహన ర్యాలీ నిర్వహించారు. ఎమర్జెన్సీ బ్లాక్ నుంచి పంజాగుట్ట మెయిన్ గేట్ వరకు కొనసాగింది. వైద్యులు, మెడికల్స్టూడెంట్లు, సిబ్బంది పాల్గొన్నారు. నిమ్స్ డైరెక్టర్ డాక్టర్ బీరప్ప, డీన్ డాక్టర్ లిజా రాజశేఖర్, డాక్టర్ సత్యనారాయణ, ఎగ్జిక్యూటివ్ రిజిస్ట్రార్ డాక్టర్ శాంతివీర్ పాల్గొని ర్యాలీని ప్రారంభించారు.
అవగాహన, ధైర్యం, మెరుగైన చికిత్సతో క్యాన్సర్ను జయించవచ్చని బీరప్ప చెప్పారు. రాష్ట్ర ప్రభుత్వం సహకారంతో క్యాన్సర్ కు ఉచితంగా చికిత్స అందిస్తున్నామన్నారు. ఈ సందర్భంగా మెడికల్ ఆంకాలజీ డిపార్ట్మెంట్ ప్రొఫెసర్, హెడ్ డాక్టర్ సదాశివుడు గుండేటి రాసిన క్యాన్సర్ రిజిస్ట్రీ పుస్తకాన్ని విడుదల చేశారు. డాక్టర్లు రచన, రాజశేఖర్, మౌనిక, రోషిణి, లక్ష్మీ భాస్కర్, మీడియా ఇంచార్జ్ సత్యగౌడ్, ఎంహెచ్ఎం ఇన్‌చార్జ్ మార్తా రమేశ్ తదితరులు పాల్గొన్నారు.
