1972లో తొలిసారి ప్రపంచ పర్యావరణ దినోత్సవాన్ని ఐక్యరాజ్యసమితి ప్రకటించింది. యూనైటెడ్ నేషన్స్ ఎన్విరాన్మెంట్ ప్రోగ్రామ్ ఆధ్వర్యంలో 1973, జూన్ 5న మొదటిసారిగా ప్రపంచ పర్యావరణ దినోత్సవాన్ని ఐక్యరాజ్య సమితి జరిపింది. మానవ పర్యావరణం (ఒకే భూమి) అనే అంశంపై స్వీడన్ రాజధాని స్టాక్హోమ్లో కాన్ఫరెన్స్ నిర్వహించింది. ప్రపంచ పర్యావరణ దినోత్సవం ప్రపంచ వ్యాప్తంగా మిలియన్ల మంది ప్రజలను ఒకచోట చేర్చి భూమిని రక్షించే, పునరుద్ధరించే ప్రయత్నంలో వారిని భాగస్వాములను చేయడమే లక్ష్యంగా పెట్టుకున్నది. పర్యావరణ రక్షణ గురించి తెలియజేయడమే
ముఖ్యోద్దేశం.
- 2024 థీమ్: భూమిని పునర్నిర్మించడం, ఎడారీకరణను తగ్గించి కరువు లేకుండా చేయడం.
- ప్రపంచ పర్యావరణ దినోత్సవానికి ప్రతి సంవత్సరం ఒక్కో దేశం ఆతిథ్యం ఇస్తుంది. యునైటెడ్ నేషన్స్ ఎన్విరాన్మెంట్ ప్రోగ్రాం దాని భాగస్వామ్య సంస్థలు ఈ కార్యక్రమాన్ని జరుపుతాయి. అత్యున్నతస్థాయి అంతర్జాతీయ సమావేశం ఏర్పాటు చేసి, భూమిని కాపాడేందుకు ఏంచేయాలో చర్చిస్తారు.
- 2024 దినోత్సవ వేడుకలు సౌదీ అరేబియాలో జరగనున్నాయి.
