జమ్ముకశ్మీర్లోని చీనాబ్ నదిపై నిర్మించిన బ్రిడ్జిపై అతి త్వరలోనే రైల్వే సేవలు అందుబాటులోకి రానున్నాయి. ఈ వంతెన ద్వారా రాంబన్ నుంచి రియాసికి రైలు సర్వీసులు త్వరలో ప్రారంభం కానున్నాయని ఉత్తర రైల్వేశాఖ వెల్లడించింది. కశ్మీర్లోని భారత్లోని బాగతా ప్రాంతాలతో అనుసంధానించేందుకు చేపట్టిన ఉద్ధంపూర్ – శ్రీనగర్ – బారాముల్లా రైల్వే ప్రాజెక్టులో భాగంగా చీనాబ్ వంతెన నిర్మించారు.
చీనాబ్ నదీ గర్భం నుంచి 359 మీటర్ల ఎత్తులో దీన్ని నిర్మించారు. దీని పొడవు 1315 మీటర్లు. ఇందులో భాగంగా టన్నెళ్లు కూడా నిర్మించారు. ఇప్పటివరకు చైనాలోని బెయిపాన్ నదిపై ఉన్న 275 మీటర్ల పొడవైన షుబాయ్ రైల్వే వంతెన పేరుతో ఉన్న ప్రపంచ రికార్డును ఇది అధిగమించింది. పారిస్లోని ప్రఖ్యాత ఐఫిల్ టవర్తో పోలిస్తే దీని ఎత్తు 30 మీటర్లు ఎక్కువగా ఉంది. ప్రపంచంలోనే అత్యంత ఎత్తయిన ఈ వంతెన ప్రపంచంలో ఎనిమిదో వింతగా నిలువనున్నది.
