ప్రపంచవ్యాప్తంగా సంభవిస్తోన్న మరణాలకు ప్రధాన కారణాలలో ఒకటి ఊపిరితిత్తుల క్యాన్సర్. దీనిపై అవగాహన పెంచడానికి ప్రతి సంవత్సరం ఆగస్టు 1న ప్రపంచ ఊపిరితిత్తుల క్యాన్సర్ దినోత్సవాన్ని జరుపుకుంటారు. ప్రతి సంవత్సరం ఈ వ్యాధి బారిన పడిన వారి కేసుల సంఖ్య పెరుగుతూనే ఉంది. ఇక ఈ సంవత్సరం ప్రపంచ ఊపిరితిత్తుల క్యాన్సర్ దినోత్సవం థీమ్ విషయానికొస్తే "దీర్ఘకాలిక మనుగడపై కంటే నివారణే ఉత్తమం"గా పెట్టినట్టు తెలుస్తోంది.
ఊపిరితిత్తుల క్యాన్సర్ అనేది అత్యంత సాధారణ రకమైన నాన్-స్మాల్ సెల్ ఊపిరితిత్తుల క్యాన్సర్. ఇది అన్ని ఊపిరితిత్తుల క్యాన్సర్లలో దాదాపు 80% వరకు ఉంటుంది. ఈ క్రమంలో ఊపిరితిత్తుల క్యాన్సర్ ప్రారంభ సంకేతాలు, లక్షణాల గురించి తెలుసుకోవడం చాలా ముఖ్యం. ఎందుకంటే అవి ముందస్తు రోగనిర్ధారణ, మెరుగైన ఫలితాలను అందించగలవు.
ఊపిరితిత్తుల క్యాన్సర్ సాధారణ సంకేతాలు, లక్షణాలు :
- నిరంతర దగ్గు
- ఛాతీ నొప్పి
- శ్వాస ఆడకపోవడం
- రక్తంతో కూడిన దగ్గు
- అలసట
- బరువు తగ్గడం
- గొంతు బొంగురుపోవడం
అయితే ఈ లక్షణాలుంటే వైద్యుల్ని సంప్రదించవచ్చు. కానీ చాలా మందిలో వ్యాధి ముదిరే వరకు ఈ సంకేతాలు, లక్షణాలను కనిపించకపోవడం మరింత ఆందోళనకు గురిచేస్తోంది.
పైన పేర్కొన్న సంకేతాలు, లక్షణాలలో ఏవైనా మీక్కూడా ఉన్నాయనిపిస్తే, ప్రత్యేకించి అవి కొన్ని వారాల కంటే ఎక్కువ కాలం కొనసాగితే వెంటనే మీ వైద్యునితో మాట్లాడటం చాలా ముఖ్యం. ఊపిరితిత్తులలో ఏదైనా సమస్య ఉందా అని తెలుసుకునేందుకు CT స్కాన్ లేదా ఎక్స్-రే వంటి ద్వారా తెలుసుకోవచ్చు. ఊపిరిత్తుల పరిమాణంలో ఏదైనా అనుమానంగా ఉందనిపిస్తే.. అది నిజంగా క్యాన్సరా, కాదా అని నిర్ధారించడానికి వైద్యులు బయాప్సీని సూచించే అవకాశం ఉంటుంది.
వ్యాధిని ముందస్తుగా గుర్తించడానికి కొన్ని పద్ధతులు, వ్యూహాలు:
లక్షణాలతో అప్రమత్తంగా ఉండండి: దీర్ఘకాలిక దగ్గు, దీర్ఘకాలిక దగ్గులో మార్పులు, రక్తంతో దగ్గు, శ్వాస ఆడకపోవడం, ఛాతీ నొప్పి, బరువు తగ్గడం లేదా శ్వాసకోశ ఇన్ఫెక్షన్లు వంటి ఏవైనా అసాధారణమైన, నిరంతర లక్షణాలపై శ్రద్ధ వహించండి. మీరు ఈ లక్షణాలలో వేటినైనా కలిగి ఉంటే.. వెంటనే మీ వైద్యుడిని సంప్రదించడం చాలా ముఖ్యం.
స్క్రీనింగ్: రెగ్యులర్ హెల్త్ చెకప్‌లు ముందస్తుగా గుర్తించడంలో సహాయపడతాయి. ఊపిరితిత్తుల క్యాన్సర్‌ను ముందుగానే కనిపెట్టడానికి, ఛాతీ ఎక్స్-రే, కఫం సైటోలజీ, తక్కువ-డోస్ స్పైరల్/హెలికల్ CT స్కాన్ వంటి స్క్రీనింగ్ లు అందుబాటులో ఉన్నాయి. తక్కువ మోతాదు కంప్యూటెడ్ టోమోగ్రఫీ (LDCT) స్కాన్‌లను సాధారణంగా ఊపిరితిత్తుల కోసం ఉపయోగిస్తారు.
ఏది ఏమైనప్పటికీ, వ్యాధిని ముందుగా గుర్తించడం అనేది ఊపిరితిత్తుల క్యాన్సర్‌ను నిరోధించదని గుర్తుంచుకోవడం చాలా ముఖ్యం. అయితే ప్రారంభ చికిత్సకు మాత్రం ఇది దారితీయవచ్చు. ఇది విజయవంతమైన ఫలితాల అవకాశాలను గణనీయంగా మెరుగుపరుస్తుంది.
