28 రోజుల్లో యాదాద్రి హుండీ ఆదాయం.. రూ. 3. 15 కోట్లు

యాదాద్రి శ్రీ లక్ష్మీ నరసింహ స్వామి దేవస్థాన హుండీకి భారీగా ఆదాయం వచ్చింది. గత 28 రోజుల్లో యాదాద్రి లక్ష్మీనరసింహ స్వామి వారి హుండీకి నగదు రూపంలో 3 కోట్ల 15 లక్షల 5 వేల 35 రూపాయల ఆదాయం వచ్చిందని ఆలయ అధికారులు తెలిపారు. కానుకల రూపంలో 100 గ్రాముల బంగారం, 4 కిలోల 250 గ్రాముల వెండిని కూడా భక్తులు సమర్పించారని వెల్లడించారు. అదేవిధంగా విదేశీ కరెన్సీ కూడా వచ్చిందని పేర్కొన్నారు.