- 2.98 లక్షల ఎకరాల్లో వరి
- అన్ని పంటలు కలిపి 21.320 ఎకరాల్లో సాగు
- విత్తనాలు, ఎరువులకు ఇండెంట్
యాదాద్రి, వెలుగు : యాసంగి సీజన్–2024 యాక్షన్ప్లాన్ను అగ్రికల్చర్ఆఫీసర్లు రెడీ చేశారు. ఈ సీజన్లో కురిసిన వర్షాలు, సాగునీటి లభ్యత తదితర అంశాల ఆధారంగా ఆఫీసర్లు ప్లానింగ్సిద్ధం చేశారు. సాగుకు అవసరమైన విత్తనాలు, ఎరువుల ఇండెంట్ను రూపొందించారు. ఇవి సకాలంలో రైతులకు అందేలా ఎరువులు, విత్తనాల డీలర్లను అప్రమత్తం చేశారు. ఇప్పటివరకు ఉన్న స్టాక్ ఎంత, ఇంకా ఎంత తెప్పించాలన్న అంశంపై రోజువారీగా నివేదికలు రూపొందిస్తున్నారు.
ఈ ప్లానింగ్ను ఇప్పటికే డిస్ట్రిక్ అగ్రికల్చర్ ఆఫీసర్లు సర్కారుకు నివేదిక అందించారు. వాతావరణశాఖ రూపొందించిన నివేదిక ప్రకారం సాధారణ వర్షపాతం 637.8 మిల్లీ మీటర్లు కురియాల్సి ఉండగా, ఇప్పటివరకు 711.2 మిల్లీ మీటర్లు కురిసింది. అయితే గ్రౌండ్వాటర్ డిపార్ట్ మెంట్లెక్కల ప్రకారం చెరువుల్లో పూర్తి శాతం వాటర్ నిండలేదు.
3.19 లక్షల ఎకరాల్లో..
ఆఫీసర్ల అంచనాల ప్రకారం యాదాద్రి జిల్లాలో అన్ని పంటలు కలిపి 3,19,320 ఎకరాల్లో సాగు చేయనున్నారు. గడిచిన యాసంగి, వాన కాలం సీజన్ల మాదిరిగానే ఈసారి పంటలు సాగు కానున్నాయి. ఎప్పటిలానే వరికి ఫస్ట్ ప్రియారిటీ ఇచ్చారు. ఈ సీజన్లో వరి 2.98 లక్షల ఎకరాల్లో సాగు చేయనున్నారు. ఇతర పంటలన్నీ కలిపి 21,320 ఎకరాల్లో సాగు చేస్తారని ఆఫీసర్లు అంచనా వేశారు.
ఎరువులు, విత్తనాలు..
సాగుకు అవసరమయ్యే ఎరువుల ఇండెంట్ను ఆఫీసర్లు రూపొందించారు. మొత్తంగా 74,500 క్వింటాళ్ల వరి విత్తనాలు అవసరమని లెక్కలు వేశారు. ఆయిల్ సీడ్స్ సహా ఇతర పంటలకు 35.20 క్వింటాళ్ల విత్తనాలు అవసరపడుతాయని నివేదిక రూపొందించి హయ్యర్ ఆఫీసర్లకు పంపించారు.
57, 816 టన్నుల ఎరువులు..
ఈ సీజన్లో మొత్తంగా 57,816 టన్నుల ఎరువులు అవసరం కానున్నాయి. ఇందులో యూరియా 25,282 టన్నులు, డీఏపీ 10,419 టన్నులు, ఎంవోపీ 4167 టన్నులు, కాంప్లెక్స్ 16,670 టన్నులు, ఎస్ఎస్పీ 1278 టన్నులు ఉన్నాయి. జిల్లాలోని సొసైటీలు, డీలర్ల వద్ద యూరియా 7663.98 టన్నులు అందుబాటులో ఉంది. డీఏపీ 711.64, ఎంవోపీ 366.85, ఎస్ఎస్పీ 428.45, కాంప్లెక్స్3566.71 టన్నులు ఉన్నాయి. మొత్తంగా 12,737.63 టన్నులు ఎరువులు అందుబాటులో ఉండగా, అవసరానికి సరిపడా తెప్పించడానికి ఆఫీసర్లు చర్యలు తీసుకుంటున్నారు.
