సమంతతో కలిసి నటించే అవకాశం రావడం సంతోషంగా ఉందని చెప్పాడు యువ హీరో యష్ పూరి. చెప్పాలని ఉంది, అలనాటి సిత్రాలు, శాకుంతలం, హ్యాపీ ఎండింగ్ చిత్రాలతో ఆకట్టుకున్న యష్.. ఇటీవల ‘సిటాడెల్ : హనీ బన్నీ’ వెబ్ సిరీస్‌‌‌‌లో కీలకపాత్ర పోషించాడు. సమంత, వరుణ్ ధావన్ లీడ్ రోల్స్‌‌‌‌లో రాజ్ అండ్ డీకే తెరకెక్కించిన ఈ వెబ్ సిరీస్ అమెజాన్ ప్రైమ్ వీడియోలో స్ట్రీమింగ్ అవుతోంది.
ఇందులో సమంతకు బ్రదర్‌‌‌‌‌‌‌‌గా నటించాడు యష్ పూరి. సిరీస్‌‌‌‌తో పాటు తన పాత్రకు మంచి రెస్పాన్స్ రావడం పట్ల యష్ స్పందిస్తూ.. ‘ఈ అవకాశాన్ని ఇచ్చిన రైటర్ సీతకు, సపోర్ట్ చేసిన సమంత, డైరెక్టర్స్ రాజ్ డీకేలకు థ్యాంక్స్. సమంత, వరుణ్ లాంటి అద్భుతమైన నటీనటులతో కలిసి నటించే అవకాశం రావడం నా కెరీర్‌‌‌‌‌‌‌‌లో మర్చిపోలేను. ఈ సిరీస్ కెరీర్‌‌‌‌‌‌‌‌లో నన్ను మరో మెట్టు పైకి తీసుకెళ్తుంది’ అని సోషల్ మీడియా ద్వారా వెల్లడించాడు.
