లింగంపేట,వెలుగు: లింగంపేట గ్రామ పంచాయతీకి చెందిన లేఅవుట్ భూములను మంగళవారం ఎల్లారెడ్డి ఆర్టీఓ మన్నె ప్రభాకర్ పరిశీలించారు. సర్వేనంబర్1074లోని 600ల గజాల లేఅవుట్స్థలాన్ని కొందరు అక్రమంగా రిజిస్ట్రేషన్ చేయించుకున్నారని ఆరోపి స్తూ గ్రామస్తులు ఆందోళనకు దిగడంతో కలెక్టర్ విచారణకు ఆదేశించారు. కలెక్టర్ఆదేశాల మేరకు లేఅవుట్భూములను ఆర్డీఓ పరిశీలించారు.
600 గజాల లేఅవుట్ భూమిచుట్టూ మత్తడి పోచమ్మ ఆలయ కమిటీ సభ్యులు రేకుల కంచెను ఏర్పాటు చేయించారు. ఈ సందర్భంగా ఆర్డీఓ మాట్లాడుతూ.. గ్రామ పంచాయతీ లేఅవుట్ భూమిని వెంటనే పంచాయతీ ఆధీనంలోకి తీసుకోవాలనీ, ఇది గ్రామపంచాయతీ స్థలం అని ఫ్లెక్సీలను ఏర్పాటు చేయాలని సెక్రటరీ శ్రావణ్కుమార్ను ఆదేశించారు. లేఅవుట్ భూమిని అక్రమంగా రిజిస్ట్రేషన్ చేయించుకున్న వారి వివరాలను సేకరించి రిజిస్ట్రేషన్ల రద్దు కోసం తహసీల్దార్కు ఫిర్యాదు చేయాలని సూచించారు.
తహసీల్దార్ సిఫారసు మేరకు తాను అక్రమ రిజిస్ట్రేషన్లను రద్దు చేసేందు కు కలెక్టర్కు నివేదిక అందజేస్తానని చెప్పారు. గ్రామపంచాయతీ లేఅవుట్ భూమి కబ్జాలపై గ్రామస్తులు ఆందోళన చేయడంతో అధికార యంత్రాంగం రంగంలోకి దిగడంపై స్థానికులు హర్షం వ్యక్తం జేస్తున్నారు. ఆర్డీఓ వెంట తహసీల్దార్నరేందర్, ఎంపీఓ మలహరి, పంచాయతీ సెక్రటరీ శ్రావణ్కుమార్ తదితరులు ఉన్నారు.
